173
Maktabgacha taʻlim muassasalarining birlamchi yoʻnalishi
maktabgacha
yoshdagi
bolalarni
badiiy-estetik
tarbiyalash
hisoblanadi. Bu yoʻnalishning samarasi estetik yoʻnalishning barcha
vositalarini (teatr, musiqa,
badiiy adabiyot, rasm chizish, qirqib
yopishtirish va boshq.) kompleks tarzda qoʻllanilgandagina aniq
boʻladi. Maktabgacha taʻlim muassasalarida oʻtiladigan «Tasviriy
faoliyat» mashgʻulotlari bolalarga
beriladigan estetik tarbiya
masalalarini yechishda katta ahamiyatga ega. Chunki tasviriy faoliyat
oʻz xususiyatiga koʻra badiiy faoliyat hisoblanadi. Badiiy faoliyat
mashgʻulotlarining barcha turlari bolalarda goʻzallikni bilish uchun,
borliqqa emotsional-estetik munosabatni
rivojlantirish uchun keng
imkoniyatlarni ochib beradi.
«Tasviriy faoliyat» mashgʻulotlari jarayonida:
1. Badiiy didni tarbiyalash;
2. Amaliy badiiy faoliyat va malakalarni rivojlantirish;
3.
Fantaziya, ijodiy fikrlash va tasavvur qilish, idrok qilishni
rivojlantirish;
4. Qoʻlning aniq harakatlari
va barmoqlarning mayda
motorikasini rivojlantirish;
5. Kasbiy badiiy-ijodiy faoliyat kurtaklarini namoyon boʻlishi
uchun imkon yaratish kabi taʻlimiy va tarbiyaviy masalalar hal etib
boriladi. Maktabgacha taʻlim muassasalari
uchun ishlab chiqilgan
takomillashtirilgan Тasviriy faoliyat integrativ mazmun kasb etuvchi
eng katta boʻlim hisoblanadi va faoliyatning boshqa turlari bilan
mantiqiy va didaktik bogʻliklikda amalga oshiriladi.
Bu omil tasviriy
faoliyat mashgʻulotlari mazmuni va metodikasini faoliyatning boshqa
turlariga hamohang tarzda takomillashtirib borish lozimligini
anglatadi.
Dostları ilə paylaş: 
