Sh. Sh. Olimov, Sh. X. Samiyeva

Oʻz faslingizga taʻrif bering
(musiqiy, badiiy - sahnali va hokazo 
koʻrinishda): 
- yilning shu faslida xos jihatlar bilan tanishtiriladi;
- bu fasldagi kishilar faoliyati va bayramlar haqida soʻzlab beriladi; 
- shu faslga tegishli oylarda tugʻilgan bolalar esga olinadi; 
- ularga ijobiy tilaklar bildiriladi.
Oxirida tarbiyachi quyidagi savollar bilan murojaat qiladi: 
- bir-birimiz haqimizda nimalarni bilib oldik? 
- kichik guruhda bir-birlarimiz bilan doʻstlashdikmi?
- mashq davomida doʻstimizning qanday sifatlarini koʻrdik? 
 “Muzyorar” 
Koʻpchilik bolalar notanish muhit (yangi bogʻcha yoki yangi 
guruh, jamoa)ga tushib qolganlarida oʻzlarini jurʻatsiz sezishadi. 
Koʻpincha bir-birlarini tanishmaydi va bilishmaydi. Agar hech 
boʻlmaganda bir kishi bilan tanish boʻlsalar ham, ular faqatgina oʻsha 
bilan muloqot qiladilar. Shuning uchun tarbiyachi bolalarning oʻziga 

---

30 
ishonch hissini beradigan doʻstona muhitni va ular oʻzlari 
oʻrganishlari kerak boʻlgan narsa yoki hodisa orqali ularni jamoada 
birlashtira olishi kerak. Aynan shu usul orqali taʻlim beruvchi va 
taʻlim oluvchilar oʻrtasidagi «toʻsiq» yoʻqotiladi. Masalan, bolalarga 
oʻzlari haqida gapirib berish taklif qilinadi. Shu bilan yaxshi muloqot 
oʻzaro hamkorlikka sharoit yaratiladi. Bolalar oʻrtasida muzokaralar 
va muloqot muhiti yangi doʻstona muhit yaratiladi.
“Galereyaga sayr”
«Galereya» usuli kichik guruhlarda birdaniga bir nechta 
masalani muhokama qilish imkonini beradi. Bunda guruhning har bir 
aʻzosi barcha taklif etilgan masalalar muhokamasida ishtirok etishi va 
oʻz fikrini taklif qilishi mumkin. Tarbiyachi har bir faoliyat markaziga 
qandaydir masalani yechish vazifasini beradi. Misol uchun mavzuiy 
rejada tayyorlov guruhlari uchun yanvar oyida hafta mavzusi “Qishki 
oʻyin-kulgular” berilgan. Ushbu mavzu yuzasidan turli markazlarda 
bolalarning qiziqarli faoliyati tashkil etilishi mumkin.
1-qadam.
Tarbiyachi “Til va nutq” markazida qishki oʻyin-kulgular 
aks etgan syujetli rasmni qoʻyib, bolalarga hikoya tuzish vazifasini 
beradi. Qurish-yasash, konstruksiyalash va matematika markazida 
geometrik shakllardan foydalanib, qish manzarasini hosil qilish 
vazifasini qoʻyadi. Sanʻat markazida esa, “Qishki oʻyin-kulgular” 
mavzusida birgalikda rasm chizish vazifasini beradi.