Sharof rashidov nomidagi samarqand davlat universiteti z. O. Kuvandikov
Yüklə 1,92 Mb. Pdf görüntüsü
|
|
185 6-§. To‘lovga qobiliyatsizlikning soddalashtirilgan tartib-taomillari To‘lovga qobiliyatsizlik to’grisidagi qonunning 238-moddasida tugatilayotgan yuridik shaxsning to‘lovga qobiliyatsizligi tartiblari mustaxkamlangan. Unga ko‘ra, agar qonunchilikda belgilangan muddatlarda moliya-xo‘jalik faoliyatini amalga oshirmaganligi va (yoki) o‘z ustav fondini (ustav kapitalini) shakllantirmaganligi munosabati bilan tugatish to‘grisida o‘ziga nisbatan qaror qabul qilingan yuridik shaxsning mol-mulki qiymati kreditorlarning talablarini qanoatlantirish uchun etarli bo‘lmasa, bunday yuridik shaxs ushbu Qonunda nazarda tutilgan tartibda tugatiladi. Ushbu moddaning birinchi qismida nazarda tutilgan holatlar aniqlangan taqdirda, tugatish komissiyasi (tugatuvchi) yuridik shaxsga nisbatan to‘lovga qobiliyatsizlik to‘grisida ish qo‘zgatish haqidagi ariza bilan sudga yoki qonunchilikda nazarda tutilgan tegishli choralar ko‘rilishi uchun davlat soliq xizmati organlariga murojaat etishi shart. Tugatilayotgan yuridik shaxsning to‘lovga qobiliyatsizligi to‘grisidagi ishni ko‘rib chiqishning o‘ziga xos xususiyatlari. Sud tugatilayotgan yuridik shaxsni bankrot deb topish va tugatishga doir ish yuritishni boshlash to‘grisida qaror qabul qiladi, tugatish boshqaruvchisini tayinlaydi. Tugatilayotgan yuridik shaxsning to‘lovga qobiliyatsizligida kuzatuv, sud sanastiyasi va tashqi boshqaruv tartib-taomillari qo‘llanilmaydi. Kreditorlar tugatilayotgan yuridik shaxsga nisbatan o‘z talablarini tugatilayotgan yuridik shaxsni bankrot deb topish haqidagi e’lon chiqarilgan paytdan e’tiboran bir oylik muddatda taqdim etishga haqli. Yuridik shaxsni to‘lovga qobiliyatsizlik tartibida tugatishni rad etish oqibatlari, ushbu Qonun 238-moddasining ikkinchi qismida nazarda tutilgan talablarning buzilganligi yuridik shaxslarning yagona davlat reestriga yuridik shaxs tugatilganligi to‘grisidagi yozuvni kiritishni rad etish uchun asos bo‘ladi. Ushbu Qonun 238-moddasining ikkinchi qismida nazarda tutilgan talablarning buzilishiga yo‘l qo‘ygan tugatish komissiyasining raisi yoki tugatuvchi tugatilayotgan yuridik shaxsning pul majburiyatlari va (yoki) soliqlari hamda yigimlari yuzasidan qanoatlantirilmagan talablar bo‘yicha 186 subsidiar javobgar bo‘ladi. Hozir bo‘lmagan qarzdorni to‘lovga qobiliyatsiz deb topish to‘grisida ariza berishning o‘ziga xos xususiyatlari, o‘z faoliyatini tugatgan qarzdor yakka tartibdagi tadbirkor yoki tugatilayotgan yuridik shaxsning rahbari hozir bo‘lmagan va ularning joylashgan erini (yashash joyini) aniqlashning imkoni bo‘lmagan taqdirda, hozir bo‘lmagan qarzdorni to‘lovga qobiliyatsiz deb topish to‘grisidagi ariza, kreditorlik qarzi miqdoridan qat’i nazar, kreditor, vakolatli davlat organi, davlat soliq xizmati organi yoki boshqa vakolatli organ tomonidan berilishi mumkin. Hozir bo‘lmagan qarzdorning to‘lovga qobiliyatsizligi to‘grisidagi ishni ko‘rib chiqish, sud hozir bo‘lmagan qarzdorni bankrot deb topish haqidagi arizani o‘z ish yurituviga qabul qilib olgan kundan e’tiboran ikki haftalik muddat ichida hozir bo‘lmagan qarzdorni bankrot deb topish va tugatishga doir ish yuritishni boshlash to‘grisida qaror qabul qiladi. Hozir bo‘lmagan qarzdorning to‘lovga qobiliyatsizligi to‘grisidagi ishda kuzatuv, sud sanastiyasi va tashqi boshqaruv tartib-taomillari qo‘llanilmaydi. Sudning qarori vakolatli davlat organiga yuboriladi, bu organ mazkur qaror olingan kundan e’tiboran bir haftalik muddatda sudga tugatish boshqaruvchiligiga nomzodni taqdim etadi. Tugatish boshqaruvchisi o‘ziga ma’lum bo‘lgan barcha kreditorlarni hozir bo‘lmagan qarzdorning bankrotligi haqida yozma shaklda xabardor qiladi, ular xabarnomani olgan kundan e’tiboran bir oylik muddatda tugatish boshqaruvchisiga o‘z talablarini taqdim etishi mumkin. Tugatish boshqaruvchisi hozir bo‘lmagan qarzdorning mol-mulkini aniqlagan taqdirda sud mazkur boshqaruvchining iltimosnomasiga ko‘ra to‘lovga qobiliyatsizlikning soddalashtirilgan tartib-taomilini tugatish hamda to‘lovga qobiliyatsizlikning ushbu Qonunda nazarda tutilgan umumiy tartib-taomillariga o‘tish haqida ajrim chiqarishi mumkin. Yüklə 1,92 Mb. Dostları ilə paylaş:
|