O, olduqca haqlı idi. İyirmi
dəqiqə sonra
Əhməd Zevaylın sakit həyatı başa çatdı. Artıq
o bütün dünyanın idi. Bəşəriyyət öz dahi
alimini tanıdı və onun çiyninə alimlikdən də
böyük bir missiya düşdü. Bütün dünyaya
məxsus olmaq üçün keçilən yolu bilmədən
dahilərin qiymətini vermək çətindir. Odur ki,
biz oxucularımızı Əhməd Zevaylın öz
həyatına baxışları ilə tanış etməyi vacib
saydıq.
Bundan öncə Əhməd Zevaylın
mükafata
layiq görülməsinin səbəbini izah edən və o
vaxt İnternetdə yerləşdirilmiş press-relizə
nəzər salaq: “Bu ilin kimya üzrə laureatı
fundamental kimyəvi reaksiyaların ultra qısa
lazer impulslarının köməyi ilə pioner
tədqiqatlarına görə təltif edilmişdir. Professor
Zevaylın töhfəsi kimyada və ona yaxın
elmlərdə inqilab kimidir.
Zevaylın texnikası kimyəvi çevrilmələrin
baş verdiyi zaman miqyasına yaxın müddətdə
femtosaniyələr (fs) ərzində davam edən lazer
impulslarından istifadə edir. “Biz ayrı-ayrı
atomların hərəkətinin müşahidə olunmasına
keçmişik və indi artıq bu hərəkəti əyani
şəkildə təsəvvür edə bilirik. Atomlar daha
görünməz deyillər. Yalnız təxəyyülün kasad -
lığı dünyada ən sürətli texnikanın köməyi ilə
həll oluna biləcək “problemlərin siyahısını
məhdudlaşdıra bilər”.
Əhməd Zevayl dünya elm tarixinə
femtoki myanın banisi kimi düşdü. Amma bu
zirvəyə aparan yol çox uzun, əzablı və
keşməkeşli idi.
Dostları ilə paylaş: 
