Şükürova Solmaz Gülağa qizi (magistrantin a. S. A)

Dissertasiya işinin əsas məqsədi qeyri-neft sahələrinin diversifikasiyası, 
iqtisadiyyatda struktur dəyişiklikləri problemləri, bu problemlərin həlli yolları, 
şaxələndirmə mexanizmlərinin mahiyyətinin və əhəmiyyətinin ətraflı araşdırılması, 
həmçinin inkişafının vacibliyinin təhlilindən ibarətdir. Bundan əlavə ixracyönümlü 
milli iqtisadiyyatın formalaşdırılması, xarici investisiyaların qeyri-neft sahələrinə 
cəlb edilməsi, ölkənin ixrac potensialının genişləndirilməsi və istehsalın 
rəqabətqabiliyyətliliyinin artırılması yolları tədqiqatın başlıca məqsədlərindəndir.
Bu məqsədlərə nail olmaq üçün bəzi vəzifələrin həll edilməsi vacibdir ki, onlara 
aşağıdakıları aid etmək olar: 

---

6 
- qeyri-neft sahələrinin diversifikasiyasının dinamik inkişafa təsir dərəcəsinin 
konseptual aspektlərinin müəyyənləşdirilməsi və diversifikasiya mexanizminin 
formalaşma xüsusiyyətlərinin ətraflı təhlil edilməsi; 
- qeyri-neft sektorunun inkişaf strategiyası müəyyənləşdirilərkən xarici ölkələrin 
təcrübəsinin araşdırılması və onlardan istifadə edilməsi; 
- Azərbaycanda iqtisadiyyatın qeyri-neft bölməsinin inkişafını vacibləşdirən 
amil və şərtlərin müəyyənləşdirilməsi; 
- regionlarda investisiya potensialının təhlili və ölkədə qeyri-neft sahələrində 
investisiya aktivliyinin artırılmasına səbəb ola biləcək dövlət tənzimlənmə 
formalarının aşkara çıxarılması; 
- milli iqtisadiyyatın geniş şəkildə təhlili, qeyri-neft sektorunun inkişafına mane 
olan amillərin müəyyən edilməsi, iqtisadi problemlər və onların həll 
istiqamətlərinin aydınlaşdırılması; 
- davamlı iqtisadi inkişafa nail olmaq üçün ölkədə əlverişli biznes mühitinin 
yaradılmasına təsir edən halların,qeyri-neft sahələrinin dinamik inkişafını 
təmin etmək üçün dövlətin gördüyü stimullaşdırıcı tədbirlərin, regionların 
sosial-iqtisadi inkişafına təkan verə biləcək proselərin tənzimlənmə 
xüsusiyyətlərinin aşkarlanması; 
- qloballaşma şəraitində dövlətin qeyri-neft sahələrinin inkişafı naminə gördüyü 
tədbirlərin dəyərləndirilməsi, həmçinin balanslaşdırılmış və optimallaşdırılmış 
milli iqtisadiyyatın formalaşdırılması üçün dövlət tərəfindən yürüdülən iqtisadi 
siyasətin effektivlik dərəcəsinin tədqiq edilməsi; 
- qeyri-neft sahələrinin inkişafının prioritet istiqamətlərinin müəyyən edilməsi, 
iqtisadi inkişaf strategiyası, dövlət proqramları, planlar və proqnozlarda qeyd 
olunan göstəricilərə nail olmaq üçün görüləcək tədbirlərin səmərəliliyinin 
qiymətləndirilməsi, ölkənin daxili bazarının xarici təhlükələrdən qorunması 
naminə lazım olan problemlərin həll edilməsi yollarının aydınlaşdırılması, 
ixracyönümlü iqtisadi inkişaf modelinin formalaşdırılmasını sürətləndirə 
biləcək məsələlərin ətraflı şəkildə təhlili. 

---

7