Tafakkur ziyosi

FILOLOGIYA FANLARI

---

“TAFAKKUR ZIYOSI”
 
ilmiy-uslubiy jurnali 2021/4-son
148 
muallif badiiy makonni birlashtiradi. Bu 
holatda vaqt birdaniga zichlashadi yoki asta-
sekin cho‘ziladi. Natijada, epik qahramonlar 
o‘tmishda yoki kelajakda yashay olishadi. 
Muallifning badiiy fikrlash va syujet 
qurishdagi mahorati natijasida epik 
xronotopning o‘ziga xos turi xotira makoni 
va xotira vaqti yuzaga keladi. Masalan, 
M.Nizanovning «So‘nggi istak» romanida 
hikoya qilinayotgan vaqtdan 30-40 yil oldingi 
voqealar bosh qahramon Orzuboyning xotirasi 
orqali beriladi. U darvesh holida «Xudoyi 
qo‘noq» (qoraqalpoqlarda uyiga mehmon 
bo‘lib kelgan begona odamni shunday ataydi) 
sifatida Xojaxmetning uyiga keladi. Shu 
joyda uy egasiga o‘zining yoshlik yillari, ishi, 
Biybisora degan qizga uylangani, farzandli 
bo‘lgani, Kiyevdan kelgan aspirant qiz 
Oksanani sevib qolishi, u bilan birga Kiyevga 
ketishi, Oksananing kasallikdan vafot etishi, 
o‘zining darvesh holida ko‘p qiyinchiliklarni 
boshidan kechirgani, Vataniga qaytib 
kelganiga qadar hayotidagi hodisalarni so‘zlab 
beradi
9
. Bu holatda Orzuboyning xotira vaqti 
zichlashadi, 30-40 yillik voqealar bir kechaga 
joylashtiriladi. Badiiy makon ba’zida cho‘ziladi, 
ba’zida birikadi. Orzuboyning real makoni 
Nukus shahri (Xojaxmetning uyi) bo‘lgani bilan 
u 12 soatda o‘z xotira makonini Yevropagacha 
cho‘za oladi, shuningdek, Izmir (Turkiya) bilan 
Kiyev (Ukraina) makonlarini (Izmir – Kiyev 
oralig‘i 1700 km) biriktiradi.
Lirika hayotiy o‘zgarishlarni tez 
ifodalovchi
10
, g‘oyalar, emotsiyalar va 
konsepsiyalar diapozoni keng, subektiv 
adabiy tur hisoblanadi
11
. Epikada voqealarga, 
dramada konfliktga «itoatkor» bo‘lgan badiiy 
personaj lirikada shaxsiy ichki kechirmalariga, 
meditativlik mulohazalariga ega lirik 
qahramon–individual shaxs darajasiga 
ko‘tariladi va shularga asoslangan holda 
alohida lirik xronotopning xususiyatlarini 
yuzaga chiqaradi.
Lirik xronotop epik xronotopga nisbatan 
keyinroq o‘rganila boshladi. Buning sababi, 
lirikada zamon va makon kategoriyalari lirik 
qahramonning ichki hislariga teran singib 
9 Нызанов М. Соӊғы тилек. Таӊламалы шығармалары. Нөкис, «Билим», 2018.
10 Оразымбетов Қ. Таңламалы шығармалар топламы. Еки томлық. I том. Нөкис, «Билим», 2018, 5-б.
11 Хализев В.Е. Теория литературы. Москва, «Высшая школа», 2002. стр. 346-354.
12 Хализев В.Е. Время и пространство. Теория литературы. Москва, «Высшая школа», 1999; Жукова И.М., Нежданова Н.К. Образы пространства и времени в русской поэзии XIX–
XX веков. Монография. Курган, 2012; Ким Ен Сук. Художественное пространство в лирике Б.Пастернака. Автореф.дис.канд.филол.наук. Москва, 2001; Зотов С. Н. Художественное 
пространство — мир Лермонтова. Автореф.дис.док.филол.наук. Ставрополь, 2001; Ловчинский Н. Образы пространства в современной русской постмодернистской поэзии. 
Автореф.дис.канд.филол.наук. Волгоград, 2010 // www.dsLib.net.
13 Хализев В.Е. Теория литературы. Москва, «Высшая школа», 2002. стр. 249.
14 Адабий турлар ва жанрлар. (Тарихи ва назариясига оид). Уч жилдлик. 2-жилд. Лирика. Тошкент, «Фан», 1992, 56-61-бб.
15 Юлчиев Қ. Рауф Парфи учликларида макон ва вақт категорияси. // Бухоро давлат университети илмий ахбороти. 2019, №2, 135-139-бб
16 Хурсанов Д. Шавкат Рахмон шеьриятида макон ва замон тасвири // Хорижий филология илмий ахборотнома, 2017, №4, 67-70; Замонавий шеьрятта бадиий вақтнинг образли 
ифодалари // «Тил ва адабиёт таълими», 2019, №3, 36-39; Лирикада макон хусусиятлари // «Ўзбек тили ва адабиёти», 2019, №3, 74-79; Ўзбек модерн шеьриятида хронотоп 
масаласи // Хоразм. «Илм сарчащмаси», 2018, №6, 82-86; Лирик ва эпик турда хронотопнинг ўзига хосликлари // Хорижий филология илмий ахборотнома, 2018, №2, 84-88.
ketadi, natijada ularni alohida ajratib ko‘rsatish 
qiyinlashadi. Lirik asarlardagi xronotop roman 
yoki qissalardagi singari o‘tgan zamondagi 
hodisa ko‘rinishida aniq ko‘zga tashlanmaydi. 
Insonning ichki kechirmalari, hislaridagi 
o‘zgaruvchanlik, standartlarga, normativlarga 
bo‘ysinmaslik, ekpressivlik, emotsionallik 
kabi belgilarni o‘zida mujassam etgan lirik 
xronotopni o‘rganish ratsional fikrlashga 
asoslangan va konkret hodisaga qurilgan epik 
xronotopni o‘rganishga nisbatan bir qancha 
murakkab hisoblanadi. 
Lirik xronotop rus adabiyotshunosligida 
atroflicha tadqiq etildi
12
. Taniqli olim 
V.Xalizevning fikricha, lirikada xronotop «motiv 
va leytmotiv ko‘rinishida ramziy xarakterga 
ega bo‘ladi»
13
. Bunda xronotop ramziy obraz 
darajasiga ko‘tariladi. Masalan, lirikada kuz 
xronotopini inson umrining oxiri, keksayish, 
shuningdek, kutish va sog‘inchning ramzi 
sifatida an’anaviy tasvirlash shakllangan. Shu 
bilan birga, har bir shoir o‘ziga xos fikrlash, 
tasvirlash uslubiga ega bo‘ladi. Bu jarayonda 
ananaviy ramziy obrazlar yangi mazmun 
va ko‘rinishni hosil qiladi, turlanadi. Demak, 
lirikada zamon va makonga munosabatni 
individual uslubning dastlabki sharti sifatida 
qabul qilish mumkin. 
O‘zbek adabiyotshunosligida lirik 
xronotop masalasi ma’lum darajada tadqiq 
etilgan. «Adabiy turlar va janrlar» kitobida 
lirik xronotop haqida shunday deyilgan: 
«makon, sharoit eposda aniq, keng, o‘tgan 
zamon voqeasi sifatida ko‘rinadi, lirikada esa 
hozirgi zamon hodisasi, lirik holat sifatida, 
dramada esa ko‘z oldimizda jonli namoyon 
bo‘ladi»
14
. Shuningdek, lirik xronotop masalasi 
Q.Yo‘lchiyev
15
, D.Xursanov
16
singari olimlar 
tomonidan o‘rganilgan.
Lirik asar markazida lirik qahramon 
turishi ma’lum. Lirik xronotop ushbu qahramon 
bilan shoir o‘rtasidagi masofani belgilaydi. 
Ko‘pincha lirik qahramon bilan shoir orasidagi 
masofa qisqa bo‘ladi, ba’zi hollarda ular 
umumlashib ketadi. Tadqiqotchilar N.Shodiyev, 
B.To‘rayevalar bu haqida shunday deydi: «lirik 
vaqt – lirik qahramonning his-tuyg‘ulari vaqti,