"TA’lim texnologiyalari" fanidan o’quv uslubiy majmua

To‘rtinchi bosqich: MKM - o‘qitish dasturlarini tuzish.
Modulli - o‘qitish dasturlari jadval ko‘rinishi tuziladi. Ularni tuzish uchun asos bo‘lib, «Modulli blok – o‘rgatuvchi modul» ma’lumot jadvali xizmat qiladi. Ushbu dastur mazkur ixtisoslik doirasida bajariladigan barcha modulli bloklarni va ularga tegishli o‘rgatuvchi modullarni o‘z ichiga oladi (4.7-jadval). Ushbu modulli o‘qitish dasturining afzalliklari - o‘zgaruvchanlik va moslanuvchanlik bo‘lib, bozor iqtisodiyoti sharoitida muhim ahamiyatga egadir.
Modulli o‘qitish dasturini amalga oshirish jarayoni quyidagi bosqichlardan iborat bo‘ladi:

• 
  O‘qitish individual modulli dastur, mustaqil, qadamba-qadam o‘zlashtirish shaklida amalga oshirilganda. Bunda har bir talaba o‘rgatuvchi modul bilan ta’minlanadi, nazariy bilim va amaliy malakalarga ega bo‘lish uchun shart-sharoitlar yaratiladi.
  
• 
  Bilimlar va malakalar shakllanishini qadamba-qadam nazorat qilish. O‘rgatuvchi modullar har bir egallangan malaka uchun alohida tuziladi va shuning uchun bilim va malakalarni shakllanganligi har bir malaka bo‘yicha uzluksiz nazorat asosida amalga oshiriladi, bun­da nazorat topshiriqlari, savollar va testlardan foydalaniladi.
  

O‘rgatuvchi modullar asosida o‘qitishda, pedagogning asosiy vazifalari quyidagilar hisoblanadi: muvofiqlashtiruvchi, maslahatchi, nazoratchi.
Modulli o‘qitish dasturlar, o‘quvchining individual ehtiyojlariga osonlik bilan moslashadi va erkin vaqt omiliga ega bo‘ladi, chunki bu erda individuallashtirilgan o‘qitish jarayoni ustunlik qiladi. Modulli o‘qitish dasturini o‘zlashtirish uchun zaruriy vaqt talabaning tabiiy qobiliyatlariga bog‘liq bo‘ladi.


Tizimli faoliyat yondashuvi asosidagi modulli o‘qitish texno­logiyasi o‘quv materialini individual va mustaqil o‘zlashtirishga to‘la imkoniyat yaratilishi tufayli ixtisoslikka samarali o‘rgatishni ta’minlaydi.
Nazorat savollari

1. 
   Modul ta’rifini bering. Modulli o‘qitishning konseptual asoslarini aytib bering.
   
2. 
   Modulli o‘qitishning mohiyatini tushuntirib bering.
   
3. 
   Modulli o‘qitishning maqsadli yo‘nalishlarini izohlab bering.
   
4. 
   Faoliyatlik tamoyilining maqsadi va mazmunini izohlab bering.
   
5. 
   Tenglik va teng huquqlik tamoyilining maqsadi va mazmunini tushuntirib bering.
   
6. 
   Tizimli kvantlash tamoyilining maqsadi va mazmunini izoxlab bering.
   
7. 
   Modullik tamoyilini izohlab bering.
   
8. 
   Muammolik tamoyilini izohlab bering.
   
9. 
   Modulning tarkibiy elementlarini aytib bering.
   
10. 
    Motivatsiya tamoyilini izohlab bering.
    
11. 
    Kognitiv vizuallik tamoyilining maqsadini tushuntirib bering, mazmunini namoyon eting.
    
12. 
    Xatoliklarga tayanish tamoyilining maqsadini tushuntirib bering, mazmunini namoyon eting.
    
13. 
    O‘quv vaqtini tejash tamoyilini mohiyatini izohlab bering.
    
14. 
    texnologik tamoyilning mohiyatini izohlab bering.
    
15. 
    Uzviylik tamoyilining mohiyatini tushuntirib bering.
    
16. 
    Modulli o‘qitish maqsadlarini izohlab bering.
    
17. 
    Fan bo‘yicha yondashuv asosidagi modulli o‘qitish texnologiyasining sxemasini tushuntirib bering.
    
18. 
    Modulli o‘qitishning afzaliklarini ixzohlab bering.
    
19. 
    Tizimli faoliyat yondashuvi asosidagi modulli o‘qitish texnologiyasini mohiyatini izohlab bering.
    
20. 
    Modulli dasturlar tuzilmasini tushuntirib bering.
    
21. 
    Tizimli faoliyat yondashuvi asosidagi modulli o‘qitish texnologiyasi sxemasini tushuntirib bering.
    
22. 
    Modulli blokning shakllanish tartibini va mazmunini tushuntirib bering.
    
23. 
    Modulli o‘qitish dasturini tushuntirib bering.
    

Mustaqil ish topshiriqlari:

1. 
   Modulli o‘qitishning talabiga mosligini namoyon etish.
   
2. 
   Modulli o‘qitishning tamoyillarini tahlil etish.
   
3. 
   Modulli o‘qitishda muammolik tamoyilini amalga oshirish yo‘llari.
   
4. 
   Fan bo‘yicha faoliyat yondashuvi asosidagi modulli o‘qitish texnologiyasini qo‘llash doirasini asoslab berish.
   

Tizimli faoliyat yondashuvi asosidagi modulli o‘qitish texnologiyasini qo‘llash doirasini asoslab berish.