Ushbu natijalarni erishishda tadqiqotchining ishtiroki. Yuqorida keltirib o‘tilgan natijalar shaxsan mualllif tomonidan olingan bo‘lib, u mustaqil ravishda, o‘zi ishlayotgan yo‘nalishda o‘zining ilmiy faoliyatini olib borayotgan xorijiy va maxalliy olimlarning ilmiy izlanishlarini o‘rganish asosida, ko‘plab bazis funksiyalar, bazislarni qo‘llanilishi, tez o‘zgaratirish algoritmlari va parallellashtirish usullarini tahlil qilib chiqqan hamda ushbu tez o‘zgartirish algoritmlarini paralellashtirish mumkinligini tushunib yetgan. Shunga asoslanib, tez o‘zgartirishlar asosida spektral koeffitsiyentlarni aniqlashning parallel algoritmi va dasturiy vositasini ishlab chiqqan.
Dissertatsiya ishiga berilgan taqrizlardagi fikr va mulohazalarni e’tiborga olgan holda, ixtisoslik yo‘nalishini 05.01.04–“Hisoblash mashinalari, majmualari va kompyuter tarmoqlarining matematik va dasturiy ta’minoti” ixtisosligiga o‘zgartirgan holda keyingi seminarlarga muhokama qilishga tavsiya qilish mumkin deb hisoblayman.
Yuqoridagilarga asosan Andijon mashinasozlik instituti tayanch doktoranti S.S.Ibragimovning dissertatsiya ishi yuzasidan qo‘shma ilimiy seminar majlisi
QAROR QILADI: S.S.Ibragimovning ma’ruzasi bo‘yicha seminar ishtirokchilari va taqrizchilar tomonidan ko‘rsatilgan kamchiliklarni bartaraf etish vazifasi yuklatilsin;
Andijon mashinasozlik instituti “Axborot texnologiyalari” kafedrasi tayanch doktoranti S.S.Ibragimovning 05.01.04 – “Hisoblash mashinalari, majmualari va kompyuter tarmoqlarining matematik va dasturiy ta’minoti” ixtisosligi bo‘yicha tayyorlagan “Tez o‘zgartirishlar asosida elektr qarshiliklarni tarqalish zonalarini aniqlash uchun parallel algoritmlar va dasturiy majmua yaratish” mavzusidagi dissertatsiya ishini keyingi ilmiiy seminarlarga muhokama uchun tavsiya etilsin.
Ilmiy seminar raisi: p.f.f.d. (PhD) S.B. Atajonova Ilmiy seminar kotibi: t.f.f.d. (PhD) E.X. Safarov
