Tayyorlash va ularning malakasini oshirish hududiy

deb hisoblangan quyidagi talablar:  
o‘z fanini yaxshi bilishi va o‘qitishning zamonaviy usullari, uslublari, 
ta’lim texnologiyalarini qo‘llashda boshqa o‘qituvchilarga namuna bo‘lishi;
izlanuvchan, yangilikka intiluvchi, ilg‘or o‘qituvchilar tajribalarini 
o‘rganib, pedagogik jamoa a’zolariga ham o‘rgata olishi;
dunѐqarashi keng bo‘lishi, o‘zining siѐsiy-mafkuraviy, ilmiy-metodik va 
rahbarlik malakasini muntazam oshirib borishi;
maktab jamoasi, ota-onalar, mahalla va jamoatchilik o‘rtasida etarlicha 
obro‘ga ega bo‘lishi;
sezgir, kishilarga e’tibor bilan yaxshi muomala va munosabatda 
bo‘ladigan, ularning mehnatini to‘g‘ri qadrlay oladigan adolatli va qat’iyatli bo‘lishi;

---

47 
maktab doirasida barcha sohalardagi ishlarni chuqur o‘rganishi, tanqidiy 
tahlil etib, uni yaxshilash uchun aniq chora-tadbirlar belgilay olishi va amalga 
oshirishni ta’minlashi;
fidoyilik, mas’uliyatlilik, poklik, qat’iylik, jur’atlilik, jamoasi manfaati 
yo‘lida jonkuyarlik ko‘rsatish, mehnatsevarlik, adolatli, o‘ziga va o‘zgalarga 
talabchanlik ko‘rsatib, barchaga namuna bo‘lishi;
shaxsiy ma’lumoti va uslubiy bilim doirasini doimiy ravishda boyitib 
borishi, vaqti-vaqti bilan bu haqida o‘ziga hisobot berishi, ya’ni o‘z-o‘zini nazorat 
qila olishi;
individual xususiyatlariga ko‘ra shaxsiy rivojlanish tizimini yuzaga 
keltirish: kasbiy qobiliyat va mahoratini takomillashtirishi, o‘z malakasini muntazam 
oshirib borishni shaxsiy reja asosida tashkil etishi;
zamonaviy rusumdagi kompyuter vositalari bilan muomala qila olishi, 
ya’ni unda ishlay olish ko‘nikmasini egallagan bo‘lishi, internet tizimi orqali 
axborotlarni olish va maktab jamoasi orasida ommalashtirish ko‘nikmasiga ega 
bo‘lishi;
xodimlarning ѐshi, jinsi, milliy va individual-psixologik xususiyatlarini 
hisobga olgan holda, ular bilan ishchan muloqot o‘rnata olishi;
maktab jamoasi sha’ni, obro‘sini o‘ylashi, joylardagi xalq ta’limini 
boshqaruvchi organlar vakillari maktab jamoasi oldida uning obro‘yi va sha’niga 
putur etkazishga yo‘l qo‘ymasligi, maktab jamoasini himoya qilishi, biroq zarur 
hollarda o‘zi intizomsizlikka yo‘l qo‘ygan xodimlarga nisbatan ayrim intizomiy 
choralarni qo‘llay olishi; 
u o‘z faoliyatida kamchilikka yo‘l qo‘ygan pedagoglar bilan imkon qadar 
yakkama-yakka suhbat o‘tkazishi, tanqid qilinganda ham xodimning shaxsiga emas, 
balki uning noto‘g‘ri faoliyatiga nisbatan munosabat bildirishi, shu bilan birga u o‘zi 
tanqid qilaѐtgan xodimining ijobiy salohiyat imkoniyatlarini ham eslatib o‘tishi;
pedagoglarga ko‘proq erkinlik va mustaqillik berishi, ularning har bir 
qadamini nazorat qilishdan saqlanishi, yangiliklarni joriy qilaѐtganda yo‘l qo‘ygan 
xatolarini kechirishi, ularni o‘zlari to‘g‘rilashi uchun vaqt va imkoniyat berishi;
pedagog xodimlarga sust, shijoatsiz, mujmal topshiriqlar bermaslik;
nutqida nuqsoni bo‘lgan, muomala madaniyatidan bexabar, mijg‘ov, 
orastalikni ѐqtirmaydigan va o‘zi ham didsiz, tartibsiz kiyinib yuradigan shaxslar 
maktab rahbari lavozimiga tayinlamaslik;
dunѐda hech narsa abadiy bo‘lmagani kabi, rahbarlik ham abadiy 
bo‘lmasligi, uni faqatgina o‘z farovonligini ta’minlash manbai deb tushunmasligi, 
bunday kayfiyatga qarshi unda ma’muriy-ijtimoiy, axloqiy, huquqiy immunitet 
bo‘lishi;
so‘zi bilan faoliyati orasida mutanosiblik bo‘lishi, doimo axloqiy, huquqiy, 
ijtimoiy adolat me’ѐrlariga rioya qilishi, o‘z vijdoni oldida mas’uliyatni his qilishi 
zarur.