Rentgenoqrafiya metodu vasitəsilə mədəaltı vəzdə olan daşlar, plevral boşluqda olan digər patologiyalar müəyyən olunur.
Kompyuter tomoqrafiyası xüsusi informativ metod olub, mədəaltı vəzin ölçüləri, qarın boşluğunda və plevra boşluğunda olan maye, vəzin nekrozlu hissələri barədə dəqiq məlumat verən metoddur. Lakin, bu metod öz bahalığı ilə fərqlənir və böyük tibbi müəssisələrdə həyata keçirilir.
Endoskopiya mədəaltı vəzin video görüntüsünə əsaslanır. Bu metodla kontrast maddə vasitəsilə onikibarmaq bağırsağa açılan axarların vəziyyətini, öd axarlarının vəziyyətini təyin etmək mümkündür. Lakin, bu maddənin qıcıqlandırıcı təsiri pankreatitin kəskinləşməsinə səbəb ola bilər.
Onkoloji diaqnostika metodları
Bir çox orqan və sistemlərdə şiş xəstəlikləri aydın görünən əlamətlərlə büruzə verilir. Orqanizmin ümimi xərçəng xəstəliyi əlamətləri sidik kisəsinin funksiyasının pozulması halları, bağırsaq pozulmaları, selikli qişanın funksiyasının pozulması, qadınlarda qanaxmalar və s. hesab olunur.
Dəri xərçəngi dəridə piqmentasiyanın dəyişməsi, müxtəlif ləkələr və yaralar əmələ gəlməsi ilə müşahidə olunur. Əgər orqanizmdə bu əlamətlər özünü büruzə verirsə, mütləq həkimə müraciət etmək, müasir diaqnostik metodlarla ciddi müayinə olunmaq lazımdır. Dəri xərçəngi bədənin açıq yerlərində, xüsusən üzdə (70%) daha çox rast gəlinir. Şişlər alında, burunda, göz kənarlarında, gicgahda, qulaqda eroziyalar formasında inkişaf edir. Günəş şüaları altında çox qalmaq, solyarilərdən istifadə, dəriyə konserogen maddələrin təsiri, tütün məmulatlarının təsiri nəticəsində dəri xərçəngi inkişaf edə bilər. İmmunitetin aşağı düşməsi də dəri xərçənginin inkişafı üçün əlverişli şərait yaradır. Dərinin mühafizəsi üçün şəxsi gigyena qaydalarına riayət etmək, günəşdən qorunmaq üçün xüsusi kosmetik vasitlərədən istifadə etmək lazımdır.
