Tolipova t

TAKOMILLASHTIRISH – mavzuga oid nazariy bilimlarni amaliy jihatdan takomillashtirish hisoblanadi.
Demak, oʻqituvchi oʻquvchiga mavzuga oid to‘g‘ri va aniq savol (vazifa) berishi lozim, berilgan savol yuzasidan muhokamalar o‘tkaziladi. Bu o‘quvchining mavzu yuzasidan bilimlarni mustahkamlash va mavzu mohiyatiga yetishga yordam beradi. Mavzu
mohiyatiga yetgandan so‘ng dizayn bosqichida uning modelini ishlab chiqish uchun harakat qiladi. Keying bosqich qurilish bo‘lib, unda model yasaladi. Mavzuni mustahkamlash, nazariy bilimlarni takrorlash uchun test beriladi va mavzu takomillashtiriladi. O‘quvchi har bir topshiriqni bajarar ekan, mavzuning mazmun-mohiyatiga yetadi va amaliyotda qo‘llash imkonini o‘rganadi.

STEAM yondashuvning asosiy yutuqlari tahlili

• 
  Tabiiy fanlar, texnologiyalar, muhandislik, san’at va matematikaning integratsiyasi
  
• 
  O‘z kuchiga ishonchning hamda irodaning shakllanishi
  
• 
  Faol muloqot va jamoaviy ish
  
• 
  Texnikaga oid fanlarga qiziqish
  
• 
  Loyihalarga kreativ va innovatsion yondashuv
  
• 
  Ta’lim bilan kasb o‘rtasidagi ko‘prik
  
• 
  Bolalarning hayotdagi innovatsiyalarga tayyorligi
  

Amaliyotchi STEAM-pedagog Maykl Okinoning tavsiyalari

«Muhimi — jarayon va hodisalarni eslab qolish emas, tushunish…»
«Eng muhim qonuniyatlarni qo‘llay olish…»
«Yangi bilimlar yodda qolishi uchun ularni o‘zidan, o‘z tajribasidan o‘tkazishi lozim…»
«O‘zi biror marta tadqiqot ishini olib bormagan o‘qituvchi o‘quvchini ham tadqiqot qilishga o‘rgata olmaydi…»
STEAM bolalarda quyidagi muhim xususiyatlar va ko‘nikmalarni rivojlantirishga yordam beradi:
Muammolarni keng qamrovli tushunish; Ijodiy fikrlash;
Muhandislik yondashuv; Tanqidiy fikrlash;
Ilmiy metodlarni tushunish va qo‘llash; Dizayn asoslarini tushunish.
Bu yondashuv kelajakda bolalarda hayotiy muammolarni hal etishda yordam beradi.

Ta’lim jarayonida turli modullardan foydalangan holda darslarni tashkil etish mumkin. Jumladan, "Jonli va jonsiz tabiat bilan tajriba o‘tkazish" o‘quv moduli. Ushbu modulni tashkil etishda o‘quvchilar quyidagi ko‘nikmalarga ega bo‘ladi:

• 
  dunyoviy ob’ektlar bilan tajriba o‘tkazish;
  
• 
  geometrik jismlar va raqamlar yordamida harakatlar orqali matematik voqelikni o‘zlashtirish;
  
• 
  fazoviy munosabatlarni o‘zlashtirish;
  
• 
  har xil burchak va proektsiyalardagi dizaynni shakllantirish;
  
• 
  eksperimental faoliyatda dunyo haqidagi g‘oyalarni shakllantirish;
  
• 
  vizual-sezgi idrok qilish jarayonida butun hayotning birligini anglash;
  
• 
  ekologik ongni shakllantirish.