To’rtko’l tumani xtb tasarrufidagi o’rta ta’lim maktabi matematika fani o’qituvchisi

MAVZU: Chiziqli funksiya va uning grafigi.

Chiziqli funksiya deb, y = kx + b ko`rinishidagi funksiyaga aytiladi, bu yerda k va b berilgan sonlar. b = 0 bo`lganda, chiziqli funksiya y = kx ko`rinishga ega bo`ladi va uning grafigi koordinatalar boshidan o`tuvchi to`g`ri chiziq bo`ladi. Bu dalilga asoslanib, y = kх+ b chiziqli funksiyaning grafigi to`g`ri chiziq bo`lishini ko`rsatish mumkin. Ikki nuqta orqali birgina to`g`ri chiziq o`tganligi sababli, y = kx+b funksiyaning grafigini yasash uchun shu grafikning ikki nuqtasini yasash yetarli bo`ladi.

1-masala. y = 2x + 5 funksiya grafigini yasang.

x = 0 bo`lganda, y = 2x + 5 funksiyaning qiymati 5 ga teng, ya'ni (0; 5) nuqta grafikka tegishli. 
Agar x = 1 bo`lsa, u holda y = 2·1 + 5 = 7 bo`ladi, ya'ni (1; 7) nuqta ham grafikka tegishli. (0; 5) va (1; 7) nuqtalarni yasaymiz va ular orqali to`g`ri chiziq o`tkazamiz. Bu to`g`ri chiziq y = 2x + 5 funksiyaning grafigi bo`ladi ▲

y = 2x + 5 funksiya grafigi har bir nuqtasining ordinatasi y = 2x  funksiya grafigi o`sha abssissali nuqtasining ordinatasidan 5 birlik katta bo`lishini ko`rib turibmiz. Bu y = 2x + 5 funksiya grafigining har bir nuqtasi y=2x funksiya grafigining mos nuqtasini ordinatalar o`qi bo`ylab yuqoriga 5 birlik siljitish yo`li bilan hosil qilinishini bildiradi. 
Umuman, y = kx + b funksiyaning grafigi y = kx funksiya grafigini ordinatalar o`qi bo`ylab b birlikka siljitish yo`li bilan hosil qilinadi. y = kx va y=kx+b funksiyalarning grafiklari parallel to`g`ri chiziqlar bo`ladi

2-masala. y = -2x + 4 funksiya grafigining koordinata o`qlari bilan kesishish nuqtalarini toping.

Grafikning abssissalar o`qi bilan kesishish nuqtasini topamiz. Bu nuqtaning ordinatasi 0 ga teng. Shuning uchun -2x + 4 = 0, bundan x = 2. 
Shunday qilib, grafikning abssissalar o`qi bilan kesishish nuqtasi (2; 0) koordinataga ega bo`ladi.
Grafikning ordinatalar o`qi bilan kesishish nuqtasini topamiz. Bu nuqtaning abssissasi 0 ga teng bo`lgani uchun y = -2·0 + 4 = 4.
Shunday qilib, grafikning ordinatalar o`qi bilan kesishish nuqtasi (0; 4) koordinataga ega bo`ladi (16-rasm).
Mustahkamlash mashqlari:
1) Sabzavot omborida 400 t kartoshka bor edi. Har kuni omborga yana 50 tonnadan kartoshka tashib keltirildi. Kartoshka miqdori (p) ning vaqt (t) ga bog`liqligini formula bilan ifodalang.
2) Sayyoh shahardan chiqib avtobusda 10 km yo`l bosdi, so`ngra esa shu yo`nalishda 5 km/soat tezlik bilan piyoda yura boshladi. Sayyoh x soat piyoda yurganidan keyin, shahardan qancha (y) masofada bo`lgan?.
MMIBDO’_____________

Sana: sinf:

Mavzu: Matematik fokus:”Ajoyib xotira’’.
Mashg’ulotning maqsadi:
Mavzuga oid asosiy tusunchalarni berish; vataniga,,oilasiga,hayotga muhabbat.O’zaro do’stlik va hamkorlik, limning inson hayotidagi ahamiyati,mehnatga muhabbat;:Bilimning boqiyligi bilan hayotimizning mustahkam poydevori ekanini uqtirish, fanlarning o’zaro bog’liqligi,o’quvchilar dunyo qarashining kengayishiga erishish