Тошкент-2023 1 fotiha 1}

} Alloh sizlarning bexuda qasamlaringiz uchun tutmaydi. Lekin qalbdan kasb qilganingiz uchun tutadi. Va Alloh mag‘firatli, rahmli zotdir.
226} Xotinlaridan iylo qilganlar uchun kutish to‘rt oydir. Agar qaytsalar, bas, albatta, Alloh mag‘firatli, rahmli zotdir.
227} Va agar taloqni qasd qilsalar, bas, albatta, Alloh eshituvchi, biluvchi zotdir.
228} Taloq qilingan ayollar uch quru’ kutadilar. Agar Allohga va qiyomat kuniga iymon keltirgan bo‘lsalar, Alloh bachadonlarida yaratgan narsani berkitishlari halol bo‘lmaydi. O‘shanda erlari ularni, agar islohni iroda qilsalar, o‘zlariga qaytarib olishga haqliroqdirlar. Va yaxshilik bilan ularning burchlari muqobilida haqlari ham bordir. Va erkaklarga ulardan ustun daraja bordir. Alloh aziz va hakimdir.
229} Taloq ikki martadir. So‘ngra yaxshilikcha ushlab qolish yoki yaxshilikcha qo‘yib yuborishdir. Sizga ularga bergan narsangizdan biror narsani olish halol bo‘lmaydi, magar ikkovlari Allohning chegaralarida tura olmaslikdan qo‘rqsalar (bo‘ladi). Bas, agar ikkovlarining Allohning chegaralarida tura olmasligidan qo‘rqsangiz, xotin bergan evazda ikkovlariga gunoh yo‘qdir. Ushbular Allohning chegaralaridir. Bas, ulardan tajovuz qilmang. Va kim Allohning chegaralarida tajovuz qilsa, bas, o‘shalar, ana o‘shalar, zolimlardir.
230} Bas, agar yana taloq qilsa, bundan keyin u ayol toki boshqa erga tegib chiqmaguncha unga halol bo‘lmaydi. Agar u ham taloq qilsa, gar Allohning chegaralarida turishga ishonsalar, bir-birlariga qaytsalar, gunoh bo‘lmaydi. Ushbular Allohning bilgan qavmlarga bayon qilayotgan chegaralaridir.
231} Xotinlarni taloq qilishingizda, muddatlari oxiriga yetganda, ularni yaxshilik bilan ushlab qoling yoki yaxshilik bilan qo‘yib yuboring. Ularni tajovuz uchun, zarar yetkazish yuzasidan ushlab turmang. Kim shunday qilsa, shubhasiz, o‘ziga zulm qiladi. Allohning oyatlarini hazil bilmang. Allohning sizga bergan ne’matini va va’z etib tushirgan kitobi va hikmatini esda tuting. Allohga taqvo qiling va, bilingki, albatta, Alloh har bir narsani biluvchidir.
232} Xotinlarni taloq qilganingizda, muddatlari oxiriga yetganda, yaxshilik bilan o‘zaro rozi bo‘lishib, erlariga qayta nikohlanishlarini man qilib, qiyinlashtirmang. Ushbu bilan sizlardan Allohga va oxirat kuniga iymon keltirganlar va’z qilinadi. SHundoq qilishingiz siz uchun tozaroq va pokroqdir. Va Alloh biladi, siz esa bilmaysiz.
233} Kim emizishni batamom qilishni iroda qilsa, onalar farzandlarni to‘liq ikki yil emizadilar. Ularni yaxshilab yedirib, kiyintirish otaning zimmasidadir. Hech bir jonga imkonidan tashqarisi yuklatilmaydi. Ona ham, ota ham bolasi sababidan zarar chekmasin. Merosxo‘rga ham xuddi shundoq. Agar o‘zaro rozi bo‘lib, sutdan ajratishni iroda qilsalar, ikkovlariga gunoh bo‘lmaydi. Agar farzandlaringizga emizuvchi talab qilishni iroda qilsangiz, beradiganingizni yaxshilik bilan avvaldan topshirsangiz, gunoh bo‘lmaydi. Va Allohga taqvo qiling hamda, bilingki, albatta, Alloh qilayotganingizni ko‘rib turuvchidir.
234} Sizlardan vafot etib juftlarini qoldirganlarning ayollari o‘zlaricha to‘rt oy-u o‘n kun kutadilar. Muddatlari yetganda o‘zlari haqida yaxshilik bilan qilgan ishlarida sizga gunoh yo‘q. Alloh qilayotgan amalingizdan xabardordir.
235} U ayollarga ishora bilan sovchilik qilishingiz yoki uni o‘z ichingizda tutishingizda gunoh yo‘q. Alloh siz ularni, albatta, eslashingizni biladi. Lekin ular bilan xufyona va’dalashmang. Magar yaxshi gap gapirsangiz, mayli. Idda o‘z muddatiga yetmaguncha, nikoh bog‘lashni qasd qilmang. Va bilingki, albatta, Alloh ichingizdagini biladi. Bas, Undan ogoh bo‘ling. Va bilingki, albatta, Alloh mag‘firatli va halimdir.
236} Agar xotinlarga qo‘l tekkizmay turib yoki, ularning mahrni aniqlamay turib taloq qilsangiz, sizga gunoh bo‘lmaydi. Ularni boy boricha, yo‘q holicha yaxshilik bilan foyda bilan foydalantiring. Bu yaxshilik qiluvchilar burchidir.
237} Agar ularga qo‘l tegizmay taloq qilsangiz va mahrni aniqlab qo‘ygan bo‘lsangiz, aniqlanganning yarmini berasiz, magar ayol yoki nikoh tuguni qo‘lida bo‘lgan kishi kechib yuborsa, bermaysiz. Va afv qilishingiz taqvoga yaqindir. Orangizdagi fazilatni unutmang. Albatta, Alloh qilayotgan amallaringizni ko‘rib turuvchi zotdir.
238