Тошкент-2023 1 fotiha 1}

} Namozlarni va o‘rta namozni muhofaza eting. Va Alloh uchun xushu’ bilan qoim bo‘ling.
239} Agar xavfda qolsangiz, yurgan va mingan holingizda (o‘qing). Agar xotirjam bo‘lganingizda, bilmagan narsangizni qandoq o‘rgatgan bo‘lsa, Allohni shundoq zikr qiling.
240} Sizlardan vafot etganda juftlarini qoldirayotganlar, xotinlari chiqmasdan bir yilgacha foydalanishini vasiyat qilsinlar. Agar ular chiqsalar, o‘z xususlarida yaxshilik bilan qilgan ishlarida sizga gunoh yo‘q. Alloh aziz va hakim zotdir.
241} Taloq qilingan ayollarga maqbul tarzda foyda berish taqvodorlar burchidir.
242} Alloh shunday qilib sizlarga O‘z oyatlarini bayon etadi. SHoyadki aql ishlatsangiz.
243} Diyorlaridan o‘limdan qochib chiqqan minglarcha kishilarning (xabarini) bilmadingmi?! Bas, Alloh ularga, o‘ling, dedi. So‘ngra ularni tiriltirdi. Albatta, Alloh odamlarga fazl qiluvchidir. Lekin ko‘p odamlar shukr qilmaydilar.
244} Allohning yo‘lida jang qiling. Va bilingki, albatta, Alloh eshituvchi va biluvchi zotdir.
245} Allohga yaxshi qarz beradigan kim bor?! Bas, toki U zot unga berganini ko‘p marta ko‘paytirib bersa. Va holbuki, Alloh (rizqni) tor qilur va keng qilur. Va Ungagina qaytarilursiz.
246} Musodan keyingi Bani Isroildan bo‘lgan a’yonlarni bilmadingmi?! Vaqtiki o‘z Nabiylariga: “Bizga bir podshoh tayin qilgin, Allohning yo‘lida urush qilaylik”, dedilar. U: “Agar sizlarga urush farz qilinsa, urushmasalaringiz-chi?!” dedi. Ular: “Bizga nima bo‘libdiki, diyorimizdan va farzandlarimizdan judo qilinsak ham, Allohning yo‘lida urushmasak”, dedilar. Urush farz qilinganda esa, ozginalaridan boshqalari yuz o‘girib ketdilar. Va Alloh zulm qiluvchilarni biluvchidir.
247} Nabiylari ularga: “Albatta, Alloh Tolutni sizga podshoh qilib tayinladi”, dedi. Ular: “U bizga qayoqdan podshoh bo‘lsin. Undan ko‘ra podshohlikka biz haqliroqmiz. Qolaversa, unga ko‘proq mol ham berilmagan” dedilar. U: “Albatta, uni Allohning O‘zi sizlarga tanladi va ilmda, jismda kengligini ziyoda qildi. Alloh podshohligini kimga xohlasa, o‘shanga beradi. Va Alloh keng qamrovli va biluvchidir”, dedi.
248} Nabiylari ularga: “Albatta, uning podshohligining belgisi, sizlarga Robbingizdan tobut kelmog‘idir, unda xotirjamlik va Muso hamda Horun ahlidan qolgan qoldiq bo‘lib, farishtalar ko‘tarib kelur. Agar mo‘min bo‘lsalaringiz, albatta bu narsada sizlarga belgi bor”, dedi.
249} Tolut askar bilan chiqqanda: “Albatta, Alloh sizni daryo bilan sinovchidir, kim undan ichsa, u mendan emas. Va kim uni tanovvul qilmasa, u, albatta, mendandir. Magar birov qo‘li bilan bir ho‘plam ho‘plasa, mayli”, dedi. Ozginalaridan boshqalari undan ichdilar. U va u bilan birga iymon keltirganlar daryodan o‘tganlarida ular: “Bugun bizda Jolut va uning askari bilan jang qilishga toqat yo‘q”, dedilar. Allohga ro‘baro‘ bo‘lishga ishonganlar: “Qanchadan-qancha oz sonli guruhlar Allohning izni bilan ko‘p sonli guruhlarga g‘olib kelgan. Alloh sabrlilar bilandir”, dedilar.
250} Jolut va uning askarlariga ro‘baro‘ kelganlarida: “Robbimiz, bizga sabr to‘kkin, bizni sobitqadam qilgin va kofir qavmlarga qarshi nusrat bergin”, dedilar.
251} Bas, Allohning izni bilan urushda yengdilar va Dovud Jolutni qatl etdi. So‘ngra Alloh unga podshohlik va hikmatni berdi va xohlagan narsasini o‘rgatdi. Agar Allohning ba’zi (odam)larni ba’zilariga daf’ qilish bo‘lmasa edi, yer yuzi buzilardi. Lekin Alloh olamlar ustidan fazl egasidir.
252