Тошкент-2023 1 fotiha 1}

} Ana o‘shalarga qilgan kasblaridan nasiba bor. Va Alloh tez hisob qiluvchidir.
203} Sanoqli kunlarda Allohni zikr qiling. Bas, kim ikki kundan keyin shoshilib, ketsa, unga gunoh yo‘q. Kim kechikib qolsa, unga gunoh yo‘q. Taqvo qiluvchilar uchun. Allohga taqvo qilinglar va, bilinglarki, albatta siz Uning huzuriga to‘planasizlar.
204} Odamlar ichida dunyo hayotidagi gapi seni ajablantiradiganlari bor. U qalbidagi narsaga Allohni guvoh ham qiladi. Holbuki, u ashaddiy xusumatchidir.
205} Va o‘girilib ketganda, yer yuzida fasod uchun hamda ekin va naslni halok qilish uchun harakat qiladi. Va holbuki, Alloh fasodni xush ko‘rmaydi.
206} Agar unga, Allohdan qo‘rqgin, deyilsa, uni kibru havosi gunohga yetaklaydi. Jahannam unga yetarlidir. U qanday ham yomon joy?
207} Va odamlardan Allohning roziligini tilab jonini sotadiganlar bor. Va Alloh bandalarga mehribondir.
208} Ey iymon keltirganlar! Islomga to‘lig‘icha kiring. Va shaytonning izidan ergashmang. Albatta, u sizga ochiq dushmandir.
209} Agar ochiq bayonotlar kelgandan keyin ham toyilsangiz, bilingki, albatta, Alloh aziz va hikmatlidir.
210} Ular Alloh va farishtalar soyali bulutlarda kelishi hamda ishning tugashidan boshqaga intizor bo‘lmayaptilar shekilli?! Va barcha ishlar Allohga qaytariladi.
211} Bani Isroildan ularga qancha oyatlarni berganimizni so‘ra. Kimki o‘ziga kelgan Allohning ne’matini o‘zgartirsa, bas, albatta, Alloh iqobi qattiq zotdir.
212} Kufr keltirganlarga bu dunyo hayoti ziynatli qilindi va ular iymon keltirganlarni masxara qiladilar. Va holbuki, qiyomat kuni taqvo qilganlar ulardan ustundir. Alloh kimni xohlasa, behisob rizq beradi.
213} Odamlar bir millat edilar. Bas, Alloh xushxabar va ogohlantirish beruvchi Nabiylarni yubordi va ularga odamlar o‘rtasida, ular ixtilof qilgan narsalarda hukm qilish uchun haq kitob tushirdi. U to‘g‘risida ixtilofni ochiq hujjatlar kelgandan so‘ng, kimga berilgan bo‘lsa, o‘shalargina haddan oshib qildilar. Iymon keltirganlarni haq to‘g‘risida ixtilof qilgan narsalarida Alloh O‘z izni bilan hidoyatga soladi. Alloh kimni xohlasa, to‘g‘ri yo‘lga boshlaydi.
214} Sizdan avval o‘tganlarga kelganga o‘xshash narsa sizlarga kelmasdan turib, jannatga kiramiz, deb o‘yladingizmi? Ularni balo va musibatlar tutgan va larzaga tushirilganlar. Hattoki, payg‘ambar va u bilan iymon keltirganlar: “Allohning nusrati qachon bo‘ladi?” deganlar. Ogoh bo‘linglar, albatta, Allohning nusrati yaqindir.
215} Sendan nimani nafaqa qilishni so‘raydilar. Sen: “Nafaqa qilgan yaxshiligingizdan ota-onaga, yaqin kishilarga, yetimlarga, miskinlarga va yo‘qsil yo‘lchiga bo‘lsin. Va nimaiki yaxshilik qilgan bo‘lsangiz, albatta, Alloh uni biluvchidir”, deb ayt.
216} Sizga yoqmasa ham, jang qilishingiz farz qilindi. SHoyadki yoqtirmagan narsangiz siz uchun yaxshi bo‘lsa. Va shoyadki yoqtirgan narsangiz siz uchun yomon bo‘lsa. Alloh biladi, siz esa bilmaysiz.
217} Sendan harom oyda urush qilish haqida so‘raydilar. Sen: “Unda urush qilish katta gunoh. Allohning yo‘lidan to‘sish, unga kufr keltirish, Masjid-ul Haromdan to‘sish, uning ahlini undan chiqarish Allohning huzurida eng katta gunohdir. Fitna o‘ldirishdan kattaroqdir”, deb ayt. Ular agar qodir bo‘lsalar, sizlarni diningizdan qaytargunlaricha sizga qarshi urush qilaveradilar. Sizdan kimki dindan qaytib, kofir holida o‘lib ketsa, ana o‘shalar bu dunyoyu oxiratda amali habata bo‘lganlardir. Ana o‘shalar do‘zax egalaridir. Ular unda abadiy qoluvchilardir.
218} Albatta, iymon keltirganlar, hijrat qilganlar va Allohning yo‘lida jihod qilganlar – ana o‘shalar Allohning rahmatini umid qiladilar. Alloh mag‘firatli va rahmli zotdir.
219} Sendan xamr va qimor haqida so‘rarlar. Sen: “Ikkisida katta gunoh va kishilar uchun manfaat bor va gunohlari naflaridan kattadir”, deb ayt. Va sendan nimani nafaqa qilishni so‘rarlar. Sen: “Ortiqchasini”, deb ayt. Alloh shundoq qilib sizga O‘z oyatlarini bayon qiladi. SHoyadki tafakkur qilsangiz.
220} Bu dunyo va oxirat haqida. Sendan yetimlar haqida so‘rarlar. Sen: “Ularga isloh qilish yaxshidir”, deb ayt. Agar ularning (mollarini) aralashtirib yuborsangiz, bas, birodarlaringiz. Alloh buzg‘unchini ham, islohchini ham biladi. Agar xohlasa, Alloh sizlarni qiyinchilikka solardi. Albatta, Alloh aziz va hikmatli zotdir.
221} Mushrika ayollarni iymon keltirmagunlaricha nikohingizga olmang. SHubhasiz, mo‘mina cho‘ri mushrikadan, gar u sizni ajablantirsa ham, yaxshidir. Va mushriklar iymonga kelmagunlaricha (mo‘minani)ularga nikohlab bermang. SHubhasiz, mo‘min qul mushrikdan, gar sizni ajablantirsa ham, yaxshidir. Anavilar do‘zax o‘tiga chaqiradilar. Alloh esa, O‘z izni bilan jannatga va mag‘firatga chaqiradi hamda odamlarga O‘z oyatlarini bayon qiladi. Shoyadki, eslatma olsalar.
222} Sendan hayz haqida so‘radilar. Sen: “U ko‘ngilsiz narsadir. Hayz chog‘ida ayollardan chetda bo‘ling. Ularga pok bo‘lmagunlaricha yaqinlashmanglar. Agar pok bo‘lsalar, ularga Alloh amr qilgan joydan keling. Albatta, Alloh tavba qiluvchilarni sevadi va poklanuvchilarni sevadi”, deb ayt.
223} Ayollaringiz ekinzorlaringizdir. Bas, ekinzoringizga xohlaganingizcha keling. O‘zingiz uchun (yaxshilik) taqdim qiling. Va Allohga taqvo qiling hamda, bilingki, albatta, Unga ro‘baro‘ keluvchisiz. Mo‘minlarga bashorat ber.
224} Allohga ichgan qasamlaringizni yaxshilik qilish, taqvo qilish va odamlar orasini isloh etishingizga to‘siq qilmang. Alloh eshituvchi, biluvchi zotdir.
225