Toshkent moliya instituti m. S. Hojiyev, I. I. Meliyev, S. A. Djumanov moliyaviy hisobot auditi

 
7.2. Xususiy kapital to’g’risidagi hisobot auditini tashkil etish va 
rejalashtirish xususiyatlari
Bozor munosabatlari sharoitida xususiy kapitalni to’g’ri shakllantirishga 
erishishning muhim vositasi uni auditorlik tekshiruvidan o’tkazish hisoblanadi. 
Xususiy kapital to’g’risidagi hisobot auditini o’tkazishdan maqsad – korxonada 
xususiy kapitalni shakllanishi va undan foydalanilishi bo’yicha amalga oshirilgan 
muomalalarning qonuniyligini aniqlash va ular bo’yicha moliyaviy hisobot 
ko’rsatkichlarini ishonchliligini yoki birlamchi hujjatlar ma’lumotlariga mosligini 
hamda hisobotni o’z muddatida taqdim etilganlik holatini baholashdan iboratdir. 
Xususiy kapital to’g’risidagi hisobot auditini amalga oshirishda quyidagi dastlabki 
hujjat va hisob registrlari ma’lumotlaridan foydalaniladi(7.1-jadval). 
7.1-jadval 
Dastlabki hujjatlar va hisob registrlari
85
№ 
Dastlabki hujjatlar 
1 
Buxgalteriya balansi (1-son shakl) 
2 
Moliyaviy natijalar to’g’risidagi hisobot (2-son shakl) 
3 
Pul oqimlari to’g’risidagi hisobot (4-son shakl) 
4 
Xususiy kapital to’g’risidagi hisobot (5-son shakl) 
5 
Debitorlik va kreditorlik qarzlari haqida ma’lumotnoma (2a-shakl) 
6 
Jurnal-orderlar va hisob-kitob schetlari bo’yicha hisob qaydnomalari 
Xususiy kapital to’g’risida hisobot auditini o’tkazish auditorlik 
rejalashtirishdan boshlanadi. Xususiy kapital to’g’risida hisobot auditini 
rejalashtirish audit o’tkazishning boshlang’ich bosqichi hisoblanib, audit 
o’tkazishning kutilayotgan hajmi, jadvallari va muddatlarini ko’rsatgan holda 
auditorlik tashkiloti tomonidan auditning umumiy rejasi ishlab chiqiladi. 
Shuningdek, auditorlik tashkiloti tomonidan xo’jalik yurituvchi sub’ektning 
moliyaviy hisoboti to’g’risida xolis va asosli fikrlarni shakllantirish uchun zarur 
85
Jadval muallif tomonidan tayyorlangan 

---

230 
bo’lgan auditorlik rusum - qoidalarini amalga oshirish hajmi, turlari va izchilligini 
belgilaydigan auditorlik dasturi tuziladi(7.2-rasm).