Toshkent moliya instituti rasulova d. V., Xotamov I., Asatullaev X. S. Biznesni tadqiq etish usullari
Yüklə 1,97 Mb. Pdf görüntüsü
|
- Bu səhifədəki naviqasiya:
- 4-BOB. BIZNESDA RAQOBAT USTUNLIGINI TA’MINLASH KONTSEPTSIYASI 4.1. Biznesda raqobatbardoshligini baholash uslublari
|
24 Е.В.Шикин, А.Г.Чхартишвили. Математические методы и модели в управлении. М. Дело. 2012.стр. 191. 25 Н.Ш.Кремер. Теория вероятностей и математическая статистика. Москва. Юнити. 2013.стр. 476-506. 26 Е.В.Шикин, А.Г.Чщартишвили. Математические методы и модели в управлении. М. Дело. 2010. стр.190 27 Allen L.W. Applied statistics for business and economics. USA:IRWIN, 2012. 61 4-BOB. BIZNESDA RAQOBAT USTUNLIGINI TA’MINLASH KONTSEPTSIYASI 4.1. Biznesda raqobatbardoshligini baholash uslublari Biznes bilan shug’ullanayotgan korxonalar faoliyati samaradorligi, bozor muhitiga qay darajada moslashishi, unda faoliyat yuritishi bevosita uning raqobatbardoshligiga bog’liq. Korxonalarning rivojlanishida raqobatning ahamiyatini kengroq tushunish uchun raqobat ustunligi omillarini aniqlash va ularni tizimli tartibga solish lozim. Biznesda raqobat omillarning tabiati, ta’sir darajasi, xarakteri boshqa tarmoqlarga nisbatan turlicha bo’ganligi, uning bozor faoliyati samaradorlik ko’rsatkichlarga kompleks ta’sir ko’rsatishini nazarda tutilganda tarmoqda faoliyat yurituvchi sub’ektlarning raqobatbardoshlik omillarini tadqiq etish, ularni tizimli tartiblashning ilmiy-uslubiy asoslarini shakllantirish dolzarbdir. Korxona raqobatbardoshligini baholashning aniq bir tuzilmaviy shaklini ishlab chiqish borasida bir qator ilmiy tadqiqotlar mavjud bo’lib, biroq bu borada hali bir to’xtamga kelinmagan. Ilmiy adabiyotlarda korxonalarning ishlab chiqarayotgan mahsuloti, faoliyat turi, iqtisodiy faoliyati samaradorligiga yoki marketing faoliyatini qay darajada yo’lga quyganligiga ko’ra raqobatbardoshligini baholash uslublari keng tarqalgan. Raqobatbardoshlikni baholashning umume’tirof etilgan usullarida “mahsulot sifatini oshirish” asosiy omil sifatida ko’riladi 28 , biroq uni tahlil qilishda shakllangan ilmiy maktablar tajribalari turlicha hisoblanadi. Yaponlar modelida asosiy e’tibor “sifat tizimini yangilash” asosiy omil sifatida baholansa, frantsuzlar “marketing faoliyatini” qay darajada tashkil etganligini, amerikacha uslublarda esa ko’proq “bozorda etakchilik”ni ta’minlash yoki “bozor ulushini baholash” usullaridan foydalanadi. Yapon modelining asosiy xususiyatlari iste’mol talabiga mahsulotni qay darajada muvofiqligini o’rganishga asoslansa, fransuzlar modelida “marketing bo’yicha raqobat” ya’ni korxonaning marketing faoliyatiga ishlab chiqarish qay darajada muvofiqligi tekshiriladi. Raqobatbardoshlikni baholashning amerikacha modelining asosiy xususiyati esa 28 John Maurice Clark. 1918, Lawrence Abbott, Columbia University Press: 1955, Michael Spence, 1976. Maurice Stucke, 2013 62 korxonaning bozorda egallab turgan mavqei va uning bozor imkoniyatlari baholanadi. Evropa Ittifoqi mamlakatlarida esa raqobatbardoshlikning eng ishonchli ko’rsatkichi sifatida korxonalarning uzoq vaqt davomidagi mahsuldorligi va samaradorligining saqlanib turish qobiliyatiga ko’ra baholash ko’proq uchraydi 29 . Raqobatbardoshlikni baholash nazariyalaridan chetlashmagan holda mahsulot raqobatbardoshligi bozor sub’ektining raqobatbardoshligining asosini tashkil etadi degan fikr mukammal raqobat sharoitida u qadar to’g’ri emasligi ilmiy adabiyotlarda keng talqin qilinmoqda 30 . Shuningdek, raqobat nazariyalarida tovar raqobatbardoshligi, korxona raqobatbardoshligi, tarmoq va mintaqa raqobatbardoshligi o’zaro bog’liq va bir birini to’ldiruvchi bo’lganligi sababli, ularni baholashni o’zaro bog’liq uslublarini ishlab chiqishni taqozo etmoqda 31 . Korxona raqobatbardoshligi kengroq tushuncha sanaladi va ishlab chiqarilayotgan mahsulotlardan tashqari faoliyatning ko’plab jihatlari: marketing, menejment, moliya siyosati, brending imkoniyatlari, kommunikatsiya, transport, logistika siyosati va boshqalarni o’z ichiga oladi. Korxonalar raqobatbatbardoshligini tahlil qilish davomida xalqaro raqobatbardoshlik umumiy tamoyil va kontseptsiyalarini qo’llash etarlicha asoslangan hisoblanishi fikrimizcha, bir mamlakat doirasida faoliyat yurituvchi monopol korxonalar uchun muvofiqligini nazarda tutish lozim deb hisoblaymiz. Korxona raqobatdoshligiga to’laqonli baho berishga asoslangan samarali raqobat nazariyasi usulida mahsulot ishlab chiqarish, sotish va moliyaviy boshqaruv tizimini yaxshi tashkil qilingan korxonaning raqobatdoshlik darajasi yuqori hisoblanadi. Metodikada ekspertlarning bosqichma-bosqich taqqoslash usuli yordamida aniqlangan raqobatdoshlikning to’rt guruh ko’rsatkichlari yoki mezonlariga: korxonaning ishlab chiqarish faoliyatini belgilovchi samaradorlik, korxonaning moliyaviy ahvolini belgilovchi samaradorlik, tovarni sotish va bozorda ilgari surishni tashkil qilish samaradorligi va tovarning raqobatdoshligiga asoslanadi. Korxonaning ikkita va faqat ikkita asosiy funktsiyasi mavjud: marketing va innovatsiya ekanligini inobatga olinganda innovatsion faoliyat asosiy 29 Birhan Getaneh. 2011 . p 11. 30 Nordas, H. K. World and I, 7(1) 2014. 31 Lee, Juyoung 2013. Graduate Thses and Dissertations. Paper 13517. 63 raqobatbardoshlik omili sifatida ko’rilishi maqsadga muvofiq deb hisoblaymiz 32 . Korxona raqobatbardoshligini uning operatsion samarador-ligi va strategik joylashtirish kabi muhim tarkibiy qismlardan iboratligi va uni baholashning asosiy omili sifatida tashqi muhim omillariga korxonaning moslashish indekslarini va ikkinchi bosqichda strategik joylashtirish omillarini indekslarini hisoblash orqali raqobatbardoshlikni baholash usullari kiritilgan. Fikrimizcha, engil sanoat korxonalari raqobatbardoshligini baholashni 3 darajada: opertsion faoliyati, innovatsion faoliyati va ularni korxonaning bozorga moslashishidagi ta’sirini belgilash orqali amalga oshirilsa maqsadga muvofiq. Raqobatbardoshlikni baholash bo’yicha keltirilgan usullarning aksariyatida korxona operatsion faoliyatlari samaradorligiga asosiy urg’u berilib uning moliyaviy natijalariga (asosiy vositalar, aylanma mablag’lar va nomoddiy aktivlar) asoslanilgan. Biroq, korxonalar faoliyatining mazmunan bozorda faoliyat yuritilishini nazarda tutilganda uning marketing va innovatsion faoliyatlari korxonaga foyda keltiruvchi o’ta muhim omillar hisoblanadi. Shu nuqtai nazardan taklif etilayotgan uslubiyot korxona raqobatbardoshligi baholashning samarali ekanligini ko’rsatib beradi. Korxonaning bosh maqsadi ishlab chiqarish emas, balki bozorda yuqori foyda va nufuzga intilish hisoblanadi. Bu maqsadlar esa korxonaning marketing faoliyatini ifodalaydi va shunga muvofiq holda ishlab chiqarishni tashkil etadi va uni bozorga moslab olib boradi. Korxonaning barcha maqsadlari faqat tovarlar taklifiga yo’naltirilganligini hisobga olinganda marketing faoliyati ana shu jarayonlarni muvoviqlashturuvchisi ham deyish mumkin. Sababi, ishlab chiqarish, savdo, ta’minot, moliya – bularning barchasini ish faoliyati maqsadli bozorga yo’naltiriladi va marketing orqaligina o’z natijasini oladi. Demak, korxona raqobatbardoshligining yakuniy maqsadi sifatida uning bozorga moslashish holatini ifoda etuvchi ko’rsatkichni qabul qilish maqsadga muvofiq deb hisoblaymiz. 32 Drucker P.F. 2007, Management: tasks, responsibilities, practices, Transaction Publishers, New Brunswick, N.J.; London. |