Toshkent viloyati chirchiq davlat pedagogika instituti teshabayeva Zamira Sobirovna bolalarni sahnalashtirish va ijodiy faoliyatga o’rgatish fanidan Darslik

Rejissyorlik qobiliyatini aniqlash uchun bolalarga ertak mazmuniga ssenariy tuzish, rollarni taqsimlash, ertak sahnalashtirish va repititsiya qilish topshiriladi.
Sahna bezash qobiliyatini aniqlash uchun ertakka mos dekoratsiya, kostyum va atributlarni taklif etish so’raladi.
Boladagi tomoshabinlik qobiliyatini aniqlash uchun tomosha tugagach, o’yin tarzida suhbat o’tkaziladi:
Ertak nima haqida ekan?
Ertak tomosha qilib nimani tushundingiz?
Senga ko’proq qaysi qahramon yoqdi?
Uning xarakteri qanday?
Qahramonlar bilan sodir bo’lgan voqea paytida sen o’zingni qanday his qilding?
Ertakda biron voqea yoki holatni o’zgartirishni xohlarmiding? - kabi savollar orqali bolalarning fikr-mulohazalari o’rganiladi.
Sahnalashtirish o’yinlari orqali bolalardagi ijodiy qobiliyatlarni aniqlash uchun tarbiyachi tomonidan quyidagilardan foydalangan holda tashxis o’tkazilishi mumkin.
Bola qobiliyatini tashxis qilish jadvali

Aktyorlik qobiliyati	+	–	Tomoshabinlik qobiliyati
a) Rolni faollik bilan qabul qiladi.			a) E’tibor va kuzatuv bilan tomosha qiladi.
b) Ifoda, so’z va harakatlardan o’rinli foydalanadi.			b) Empatiyaning borligi
d) Improvizatsiyadan foydalanadi.			d) Taassurotlarni so’z, harakat va rasmlarda ifodalay oladi.