Tourism and recreation in the XXI century: problems and prospects

TOURISM AND RECREATION IN THE XXI CENTURY: PROBLEMS AND PROSPECTS
3-4 May 2019
227
Baku, Azerbaijan

---

Əsas hissə
Quba-Xaçmaz bölgəsinə daxil olan rayonlar arasında ən komfortlu, qonaqların tələblərinə cavab verə 
biləcək gecələmə yerlərinin olması baxımından Qusar rayonunu daha çox inkişaf etmiş hesab etmək olar. 
Rayonda, əsasən də Şahdağ Turizm Kompleksində qış turizmi inkişaf etmişdir və mövcud lüks hotellər 
əsasən, həmin istiqamətdə fəaliyyət göstərir. Bu səbəbdən yayda turistlərin sayının azalması nəzərə 
alınaraq, burada yay əyləncə paketləri də işlənib hazırlanmışdır. Şahdağ Turizm Kompleksində “Şahdağ 
Hotel & Spa”, “Park Chalet”, “Pik Palace”, “Zirvə”, kimi hotellər, həmçinin, qonaq evləri fəaliyyət 
göstərir. Mərkəzin xidmətlərinə uşaq əyləncə paketləri, transfer xidməti və tibbi klinikanın xidmətləri də 
daxildir. 
Mərkəzin gecələmə obyektləri tez-tez müxtəlif bayram və festivallara ev sahibliyi edir. Məsələn, 
2018-2019-cu illərdə burada “Şahdağ salsa və baçata” festivalı, “İtaliya mətbəxi”festvalı, “Qış 
mövsümünün açılışı” adlı tədbir, “Asian food” festivalı, “Aralıq dənizi mətbəxi” festivalı, “Urban” 
festivalı, “Beer day” festivalı və s. keçirilmişdir
.
“Shahdagh Hotel & Spa”. “Absheron Hotel Group”a daxil olan bu hotel Qusar rayonunun Ləzə 
kəndində yerləşir. Hotel 5 ulduzlu olmaqla, turistlərə müxtəlif xidmətlər təklif edir. 173 ədəd otaqdan ibarət 
olan otel “deluxe king”, “superior twin”, “junior suite”, “superior”, “presidential suite”kimi kateqoriyalı 
otaqları qonaqlara təklif edir. Otaqlar müasir tipli interyerə əsasən tikilmişdir.
“Zirvə”. Bu otel də “Absheron Hotel Group”a daxildir və burada cəmi 43 otaq qonaqların istifadəsinə 
verilir ki, bunlardan da 40-ı standart, 3-ü isə lüksdür. Otaqların növləri “superior king” və “superior 
twin”olmaqla iki yə ayrılır. “Zirvə” hoteli qonaqların rahatlığını təmin edən bir sıra vasitələrlə, o cümlədən, 
fasiləsiz wi-fi, televizor, çay və kofe hazırlamaq üçün avadanlıq, fen, şəxsi gigiyena və kosmetik 
vasitələrlə, həmçinin, rahat hamam otağı ilə təchiz olunmuşdur
.
“Pik Palace”. Qusarda yerləşən, “Absheron Hotel Group”a daxil olan digər bir hotel isə “Pik 
Palace”dır. Bu 5 ulduzlu otel “deluxe king”, “deluxe twin”, “deluxe king balcony”, “deluxe twin balcony”, 
“junior suite”, “executive suite”, “royal suite” tipləri olmaqla, ümumilikdə 167 otaqdan ibarətdir. Otaqların 
hər birində geniş çarpayı, iş masası, hamam otağı, həmçinin bir sıra avadanlıqlar vardır. Hər bir otağın 
eyvanı fransız üslubundan inşa edilmişdir və pəncərələr tavandan döşəməyə qədər olmaqla, içərini daha da 
işıqlı olmasını təmin edir. Əksər otaqların mənzərəsi dağa, bəzilərində isə digər hotelin həyətinə baxır
.
“Park Chalet” hoteli də Qusarda yerləşən 5 ulduzlu gecələmə müəssisəsidir. Hoteldə ümumilikdə 164 
otaq qonaqların istifadəsinə verilir ki, bunlar da “deluxe king”, “deluxe twin”, “deluxe king balcony”, 
“deluxe twin balcony”, “chalet suite”, “mansard suite”, “duplex suite” olmaqla 7 kateqoriyaya bölünür. 
Otaqların demək olar ki, hər birinin mənzərəsi dağa açılır 
Quba-Xaçmaz regionunda gecələmə müəssisələrinin nisbətən yüksək standartlara cavab verməsi 
baxımından digər inkişaf etmiş rayon Qubadır. Burada yerləşən bir neçə məşhur hotellərin adlarını çəkə 
bilərik. 
“Quba Palace” hoteli. Əvvəlki adı “Rixos Guba” olan hotel nəinki Quba-Xaçmaz bölgəsində, eyni 
zamanda, Azərbaycanda mövcud olan ən bahalı, ən lüks və ən son standartlara cavab verən hotellərdən 
biridir. 5 ulduzlu hotel Azərbaycanda qolf meydançasına sahib ilk və yeganə gecələmə müəssisəsidir. 
Ümumilikdə 212 otaqdan ibarət olan oteldə həmçinin, villalar da qonaqların istifadəsinə verilir.
“Quba Palace” hotelində, həmçinin, bir-birindən ləzzətli mətbəxi olan “Mosaic”, “Lobby Lounge”, 
“The Challette Stake House” kimi restoranlar da fəaliyyət göstərir. 
Qonaqların əyləncəsini təmin etmək üçün burada stend atıcılığı, balıq ovu, “Playstation 4 Əyləncə 
Mərkəzi”, piknik zonası, boulinq və bilyard yeri, “Uşaq Əyləcə Mərkəzi”, “Quba Planet” əyləncə parkı, 
“Diamond X” gecə klubu fəaliyyət göstərir, velosipedlərin icarəsi və vaxtaşırı müəyyən idman tədbirləri 
həyata keçirilir
.
Quba rayonu ərazisində yerləşən digər bir 5 ulduzlu hotel isə “Şahdağ Quba” hotelidir. Sözügedən 
gecələmə müəssisəsi “Quba Palace” kimi lüks hotel olmasa da, qonaqların ehtiyacını ödəyə bilən yüksək 
səviyyəli otel kimi qiymətləndirilir.
Mehmanxanada 1000 yerlik konfrans zalı, 150-200 yerlik bar və 800 yerlik restoran vardır. Həmçinin, 
kanalizasiya, su və elektrik sistemləri təmir edilmiş, havalandırma və istilik sistemləri yenidən 
qurulmuşdur. Burada 5 mərtəbə və mansard tipli çardaq vardır, otaqları isə “standard”, “twin”, “family”, 
“suite” olmaqla 4 yerə bölünür. Hotelin təklif etdiyi xidmətlərə hovuz, türk hamamı, müxtəlif növ 
əyləncələr, sauna, spa və s. aiddir. Həmçinin, hotel daxilində “Bar-1”, “Bar-2”, “Bar-3”, “Şahdağ” şadlıq 
sarayı, “Panoramic Terrace” restoranı, “Quba” restoranı da fəaliyyət göstərir
.