Turizm marşrutu anlayışı Turizm marşrutlarının növləri Turizm marşrutlarının təsnifatı

Turizm sektorunda qonaqpərvərlik anlayışı

Turizm sektorunda qonaqpərvərlik dedikdə, insanların istədikləri hər cür servisləri təmin edən bütün münasibətlərdə onları məmnun edə biləcək peşəkar tələblər başa düşülür. Qonaqpərvərlik nümayiş etdirmək istənilən servis işçisinin gülərüzlüyü, diqqətcilliyi kimi onun əsas keyfiyyəti olub, bütövlükdə turizm firmasının imicini formalaşdırır.
Qonaqpərvərlik anlayışına bunlar təsir edir:

1. 
   Turistlərin gəldikləri regionda istirahət və əyləncəsini təmin edə bilən keyfiyyətli informasiya;
   
2. 
   Turizm destinasiyasının müsbət imicinin yaradılması üçün sərgi və yarmarkalarda reklam, kampaniyalarda mütəşəkkil iştirak;
   
3. 
   “Hər şey müştəri üçün” prinsipi altında yeridilən xidmət siyasətinin bütün heyət tərəfindən açıq-aşkar nümayiş etdirilməsi;
   
4. 
   Müştərilərin arzusuna görə onlara xidmət göstərən bütün servis təchizatçılarına diqqətli münasibət;
   
5. 
   Müəssisə daxilindəki bütün xidmətlərdən rahat istifadə olunması üçün onların turistlərin başa düşə biləcəyi formada təqdim olunması;
   
6. 
   Turistlərə bütün xidmətlər zamanı maksimum nəzakətlə davranılması, turistlərin şəxsi maraqlarının ön planda tutulması və bütün bunların xidmət texnologiyası kimi mənimsənilməsi tələb olunur.
   

Beynəlxalq turizm səyahətləri zamanı qonaqpərvərliyin praktikadan uğurla keçmiş bir sıra üsulları vardır:

1. 
   Gəlmiş hər turist üçün şəxsi hədiyyənin təqdimi;
   
2. 
   Turların sonunda hər bir turist üçün xüsusi hazırlanmış sertifikat, diplom və ya nişanın verilməsi;
   
3. 
   Turistlərin istirahət, əyləncə və digər tədbirlər üçün ola biləcəyi yerdə onlara lazım olacaq buklet, vərəqə, xəritənin olması;
   
4. 
   Turun ilk günündə turistlərlə onları müşayiət edəcək bələdçinin görüşünün keçirilməsi, ilkin planlaşdırmanın aparılması.
   

Bunlardan başqa xidmət zamanı turistlər üçün maksimum qayğısız mühit təmin olunmalıdır. Belə ki, turistlər gəldikləri ərazidə nəyinsə çatışmazlığını, vaxt məhdudiyyətini hiss etmə- məlidirlər.