Tushuntirish xati Bolalarimizni birovlarning qo’liga berib qo’ymasdan, ularni o’zimiz tarbiyalashimiz lozim. Shavkat Mirziyoyev

Topshiriq: “Mustaqil fikrlashga o`rgatish”. Ogohlik, hushyorlik, ma’naviy tahdid so`zlari bo`yicha fikrlar va g`oyalar olamiga tashrif buyurish. (Sababi, natijasi )
Maktab MMIBDO‘____________________ ____________________sana______ _____ 20___yil

29-Mavzu: Qarisi bor uyning parisi bor

Kun shiori:Qariyalarni qadriga yetaylik!
Maqsad: O`quvchilarga keksalarni hurmat qilishga o’rgatish.
Natija: O`quvchilarning erkin fikrlashi, tassurotlari va olgan xulosasi.
Kommunikativ kompetensiya — muloqotda muomala madaniyatiga amal qilishni, ijtimoiy moslashuvchanlikni, hamkorlikda jamoada samarali ishlay olish layoqatlarini shakllantiradi
Axborotlar bilan ishlash kompetensiyasi —media madaniyatga ega bo‘lish layoqatlarini shakllantiradi
Foydalanadigan ko`rgazmali qurollar: shiorlar, plakatlar, devoriy gazetalar, slaydlar, tarqatma materiallar.
Mashg‘ulotni borishi:
“Qarisi bor uyning parisi bor” – degan naql bizni doim insonparvar g’oyalar sari yetaklaydi. Darhaqiqat, bobo-yu buvijonlarimiz, ota-onamizning yonimizdagi har bir daqiqasi, so’zlayotgan purma’no so’zlari, bizni qo’llab-quvvatlab to’g’ri yo’lga boshlashi, to’y-ma’rakalarimizda bosh-qosh bo’lishining o’zi qanchalik bebaho davlat. E’tibor berganmisiz, o’g’il ota-ona uyiga bosh suqib, otajon-oyijon nabirangizga falon kishining o’g’lidan sovchi keldi, nima deysizlar, – deganicha ularga bir ilinj bilan boqadi. Go’yoki bu bir juft qalbi ezguliklarga makon keksalarni so’zi o’g’il uchun ming tillodan-da afzal ko’rinadi. Yoki otajon nabirangizni qulog’iga azon aytib qo’ying, toki shu yurtda tug’ilib uning tuprog’ini siz kabi e’zozlab yurish unga ham nasib etsin, – deya padariga havas bilan nigoh qadaganicha bag’ridagi chaqalog’ini tutayotgan qizining bir olam orzular og’ushida ekanligini sezib otaning dili quvonchga to’ladi.
Qarisi bor uyning parisi bor», deydilar. Darhaqiqat, keksalar – uyimizning ko’rki, qalbimizni munavvar qilib turguvchi chiroq, beminnat duogo’yimiz, pand-nasihatlari bilan umrimizni yoritguvchi quyosh, tajribayu maslahatlari bilan yoshlarimizga to’g’ri yo’l ko’rsatuvchi yo’lchi yulduz