Tushuntirish xati

Yillarning nomlanishini eslab qolishimiz kerak:

№	Yil	Nomlanishi
1	1991 yil	Alisher Navoiy yili
2	1992 yil	Hamshiralar yili
3	1993 yil	Ahmad Yassaviy yili
4	1994 yil	Ulug’bek yili
5	1995 yil	Ma’naviyat va ma’rifat yili
6	1996 yil	Amir Temur yili
7	1997 yil	Inson manfaatlari yili
8	1998 yil	Oila yili
9	1999 yil	Ayollar yili
10	2000 yil	Sog’lom avlod yili
11	2001 yil	Onalar va bolalar yili
12	2002 yil	Qariyalarni qadrlash yili
13	2003 yil	Obod mahalla yili
14	2004 yil	Mexr-muruvvat yili
15	2005 yil	Sihat-salomatlik yili
16	2006 yil	Homiylar va shifokorlar yili
17	2007 yil	Ijtimoiy himoya yili
18	2008 yil	‘Yoshlar yili
19	2009 yil	Qishloq taraqqiyoti va farovonligi yili
20	2010 yil	Barkamol avlod yili
21	2011 yil	Kichik biznes va xususiy tadbirkorlik yili
22	2012 yil	Mustahkam oila yili
23	2013 yil	Obod turmush yili
24	2014 yil	Sog’lom bola yili
25	2015 yil	Keksalarni e’zozlash yili
26	2016 yil	Sog’lom ona va bola yili
27	2017 yil	Xalq bilan muloqot va inson manfaatlari yili
28	2018 yil	Faol tadbirkorlik, innovatsion g'oyalar va texnologiyalarni qo'llab-quvvatlash yili
29	2019 yil	Faol investitsiyalar va ijtimoiy rivojlanish yili
30	2020 yil	Ilm-ma'rifat va raqamli iqtisodiyotni rivojlantirish yili

Ko`rdingizmi, yangi yil bizga qo`shaloq keladi. Biz yangi yilni yangi reja, yangi qadam, yangi orzular bilan qarshi olamiz.
Topshiriq: “Xotira” mashqi qo`llaniladi. Yillarning nomlanishini nechog`liq eslab qolganlar.

Yillar	Nomlanishi

Izoh: O`qituvchi jarayonni kuzatishda samimiylikka, o`quvchilarning o`zlarini odob-axloq me’yorlariga e’tiborli bo`lishlikka, faollikka, jonkuyarlikka va talabchanlikka, tezkorlikka, ijodkorlikka undab boradi.
MMIBDO‘: ______________________
Sinf rahbar: ______________________
17-mavzu: 14 yanvar – Vatan himoyachilari kuni. (14 yanvar – Vatan himoyachilari kuni munosabati bilan)
Kun shiori: “Yigitlari mard, g`ururli, or-nomusli, bir so`zli yurt - qudratli bo`lur!”
Maqsad: O`quvchilarda vatanparvarlikni singdirish, Vatan himoyachilariga bo`lgan hurmatni rivojlantirish.
Natija: O`quvchilarning erkin fikrlashi, tassurotlari va olgan xulosasi.
O‘zini o‘zi rivojlantirish kompetensiyasi — doimiy ravishda o‘z-o‘zini jismoniy, ma’naviy, ruhiy, intellektual va kreativ rivojlantirish, o‘z xatti-harakatini muqobil baholash va mustaqil qaror qabul qila olish ko‘nikmalarini egallaydi
Ijtimoiy faol fuqarolik kompetensiyasi — jamiyatda bo‘layotgan voqea, hodisa va jarayonlarga daxldorlikni his etish va ularda faol ishtirok etish, muomala va huquqiy madaniyatga ega bo‘lish layoqatlarini shakllantiradi
Foydalanadigan ko`rgazmali qurollar: O`zbekiston Respublikasi Konstitutsiyasi, Ma’naviyat qalbim quyoshi, Ma’naviyat yulduzlari, Abdulla Oripov Adolat ko`zgusi, Pedagogika, shiorlar, plakatlar, devoriy gazetalar, slaydlar, tarqatma materiallar.
Doskada: “O`z hayotini armiyasiz tasavvur etolmaydigan, harbiy xizmatni shunchaki ish emas, Vatan va xalq oldidagi muqaddas burch, deb biladigan mard jangchilarimizning og`ir va mas’uliyatli mehnati munosib taqdirlanishi lozim”.
O`qituvchi: Abad qutlug` bo`lsin qo`ygan qadaming,
Yo`ling yoritguchi chiroqman, Vatan
Sarhadingda sergak posboning bo`lay,
Bo`stoning yashnatgan bog`boning bo`lay,
Tepangda tip-tiniq osmoning bo`lay,
Menga suyan, senga tirgakman, Vatan.
“Xalqimizning tinchligi va xavfsizligi, sarhadlarimiz daxlsizligining mustahkam qalqoni bo`lmish armiyamiz har jihatdan qudratli, qurol-yarog` va harbiy mahorat borasida hech kimdan kam bo`lmasligi lozim. Albatta, bu juda muhim masala. Lekin armiyaning kuch-qudratini to`la namoyon etish uchun avvalo harbiylarimiz, askar va ofisterlarimiz- Vatan va xalq o`z xavfsizligini ishonib topshirgan mard o`g`lonlarimizning ma’naviy-ma’rifiy tarbiyasiga alohida e’tibor qaratish eng dolzarb vazifamizga aylanishi darkor. Toki ular mana shu keng dalalar, qadrdon qir-adirlar, musaffo osmon, shu go`zal hayotni o`zi va oilasi, kelajak avlodlar uchun ham beg`ubor va boqiy saqlashga mas’ul ekanini teran his eta olsin ”.
Topshiriq: “AJIL” (amaliyotda jamoaviy ijodiy ishlar) texnologiyasi
Texnologiyaning maqsadi: O`quvchilarda ijodiy faoliyat malakalarini va jamoaviy ijodiy ishni tashkil etish ko`nikmalarini shakllantirish, jamoaviy ijodiy ishning turli shakllarini bilishga ko`maklashish.
Mashg`ulot o`tkazish tartibi: O`qituvchi mashg`ulot boshida mavzu bo`yicha suhbatlashadi va ularga quyidagicha mavzuni tanlash imkonini beradi:
“Vatan himoyachilari”
O`qituvchi kirish so`zidan so`ng “Aqliy hujum” uslubidan foydalangan holda, o`quvchilar tomonidan aytilgan barcha erkin fikrlarni, mulohaza va g`oyalarni vatman qog`ozga yoki o`quv xonasining taxtasiga yozib boradi.Birgalikdagi muhokamadan so`ng o`quvchilar suhbatning yagona reja-loyihasini tasdiqlaydilar. Ushbu tuzilgan reja-loyiha kichik jurnal, ya’ni o`ziga xos og`zaki jurnal sahifalariga o`xshashligi uchun o`qituvchi ushbu suhbatni – “og`zaki jurnal” deb nomlashni taklif etadi va o`quvchilardan ushbu og`zaki jurnalga va uning har bir sahifasiga nom berishlarini so`raydi.
O`qituvchi guruhlarga bu o`ziga xos jurnalni ko`rib chiqishni, har bir sahifaga va jurnalga umumiy nom berilishi kerakligini taklif etadi.
Keyin guruhlarga bitta sahifani tanlash imkoniyati beriladi, har bir guruh o`zlari tanlagan sahifaning mazmunini ochib berish uchun tayyorgarlikni boshlaydi.
Tayyorgarlik uchun aniq 15 daqiqa vaqt beriladi.Tayyorgarlik vaqtida guruhlar o`zlari tanlagan sahifa mazmunini yoritish usullari, shakllari, ijrosini va qanday qilib taqdimot qilish yo’llarini aniqlaydilar, vazifalarni bajarish uchun tayyorgarlikni boshlaydilar.
“Vatan himoyachilari” mavzusidagi og`zaki jurnal sahifalari quyidagicha nomlanishi mumkin:
Sahifa. Vatan himoyachilari vizitkasi (tavsifnomasi, emblemasi, shiori, kasb yo`nalishi, qisqacha tarixi va boshqalarni – adabiy kompozitsiya).
Sahifa. Qurolli Kuchlar (ko`rgazma) hayoti va faoliyati haqida.
Sahifa. Askarlari baquvvat yurt – qudratli bo`lur.(maqol, sahna ko`rinish).
Sahifa. Harbiylar uchun keng imkoniyatlar.(dalillar bilan)
Sahifa. Biz Vatan himoyachilari (kelajakda amalga oshirmoqchi bo`lgan ishlar).
Guruhlar tomonidan tayyorlangan chiqishlar va namoyish etishlar yuqorida belgilangan tartibda amalga oshiriladi.
Guruhlarning chiqishlari ketma-ketlik bilan bir-biriga bog`langan holda amalga oshiriladi, iloji boricha guruhlarning namoyishida barcha guruh a’zolarining ishtiroki ta’minlanishi maqsadga mufoviq bo`ladi.
Guruhlar namoyishidan so`ng, o`qituvchi o`quvchilar bilan birgalikda guruhlar tomonidan namoyish etilgan sahifalarning ijobiy va salbiy tomonlarini muhokama qiladilar, ushbu mashg`ulot ularni nimalarga o`rgatgani va ular nimalarni bilib olishgani bilan qiziqadi. O`qituvchi kerakli tavsiyalar va tushunchalar beradi, so`ngra mashg`ulotni yakunlaydi.
Izoh: O`qituvchi jarayonni kuzatishda samimiylikka, o`quvchilarning o`zlarini odob-axloq me’yorlariga e’tiborli bo`lishlikka, faollikka, jon`uyarlikka va talabchanlikka, tezkorlikka, ijodkorlikka undab boradi.