8-§. Ixtisoslashtirilgan maktab-internati “YOshlar ittifoqi” yoshlar etakchisining lavozim malaka tavsiflari
Tartib raqami
1548¹
Mashg‘ulotlarning milliy standart klassifikatori bo‘yicha kodi
2330
Xodimlar toifasi
Mutaxassis
23. Lavozim vazifalari:
a) o‘quvchilarning sinfdan va maktabdan tashqari mashg‘ulotlarini o‘tkazish, ta’til kunlarida ekskursiyalar, ma’naviy-madaniy yodgorliklarimizni tomosha qilish uchun safarlar, muzeylarga sayohatlar tashkil qilish;
b) o‘quvchilarda vatanga, milliy an’analar va xalqimizning urf-odatlari, ananalariga hurmat, sadoqat va buyuk olimlar madaniyat va san’at arboblari hamda sport ustalari bilan faxrlanish ruhida tarbiyalash;
v) maktab tarbiyaviy ishlari rejasiga muvofiq o‘qituvchilar, jumladan sinf rahbarlari, tarbiyachilar va boshqa pedagog xodimlar bilan birgalikda g‘oyaviy-axloqiy tarbiya, sport-ommaviy va madaniy tadbirlar bo‘yicha ishlarni amalga oshirishda ishtirok etish;
g) o‘z vazifalarini bajarishda O‘zbekiston yoshlar ittifoqi, madaniyat markazlari, kinoteatrlar, muzeylar, istirohat bog‘lari, sport inshootlari va boshqa maktabdan tashqari muassasalar xodimlari bilan hamkorlik qilish;
d) sanitariya-gigiena talablari, mehnatni muhofaza qilish, texnika va yong‘in xavfsizligi qoidalari talablariga rioya qilish;
e) bolalar uchun qo‘yilgan sanitariya-gigiena talablariga rioya qilish.
j) kasbiy odob-axloqining umumiy prinsiplari va xizmatdagi xulq-atvorining asosiy qoidalariga amal qilish.
24. Bilishi lozim:
a) amaldagi o‘rta ta’lim sohasidagi, bolalar huquqlarini tartibga soluvchi normativ-huquqiy hujjatlarni;
v) maktabdan tashqari ta’limga qo‘yilgan davlat talablarining mazmunini;
g) tarbiyaviy ishlar konsepsiyasini, o‘qitish metodlarini, gigiena, pedagogika, psixologiyani;
d) maktabdan tashqari ta’lim muassasalari, jamoat tashkilotlari bilan hamkorlikni rivojlantirish yo‘nalishlarini;
e) sanitariya-gigiena talablari, mehnatni muhofaza qilish, texnika va yong‘in xavfsizligi qoidalarini.
25. Malaka talablari:
a) kamida bakalavr darajasidagi oliy pedagogik ma’lumot;
b) amaliy ish staji talab qilinmaydi.
