|
Dünyanın ekoloji problemləri, onların qruplaşdırılması
Bəşər cəmiyyəti yaranan vaxtdan landşaftların mənimsənilməsi və istifadəsi ilə bağlı problemlər yaranmışdır. İnsan cəmiyyəti inkişaf etdikcə, insanların landşafta təsiri dərinləşdikcə problemlər də artır, çox aspektli landşaftların müvazinətini və tarazlığını pozan çox aspektli problemlər əmələ gəlir. Ona görə də, dünya landşaftlarının problemləri çoxəsrlik tarixə malik olması ilə yanaşı, çox sahəli olması ilə də fərqlənir.
Qlobal fiziki-coğrafi (landşaft) problemlər
Yer kürəsində mövcud olan bütün problemləri landşaft xüsusiyyətinə müvafiq olaraq 2 qrupa ayırmaq olar.
1. Təbii landşaftların tarazlığının pozulması ilə bağlı problemlər
2. Landşaftların çirklənməsi ilə bağlı olan problemlər
Bu problemlərin hər iki aspekti bir-birilə sıx bağlıdır. Onların meydana gəlməsi insanların təsərrüfat təsirinin intensivliyindən bilavasitə asılıdır. Landşaftların çirklənməsi ilə bağlı problemlər aşağıdakılardır:
1. Fiziki (mexaniki) çirklənmə
2. Kimyəvi çirklənmə
3. Səs və ultrasəs çirklənmə
4. Bioloji çirklənmə
5. Radioaktiv çirklənmə
Çirklənmə landşaftın kənar və yad maddələrlə, ünsürlərlə yararsız hala salınması, üzvi və bioloji potensialın itirilməsi, hidrogeoloji və geoloji ünsürlərin yararsız hala salınması, bioloji potensialın minimum həddə qədər azaldılmasıdır.
Dostları ilə paylaş: | 
