5.German tillari gruppasi. Bu gruppaga kiruvchi tillar ham shimoliy german, g`arbiy german, sharqiy german tillari kabi kichik gruppalarga bo`linadi.
a) shimoliy german tillari: daniya tili, shved tili, norveg tili, island tili.
b) g`arbiy german tillari: ingliz tili, golland tili, frits tili, nemis tili.
v) sharqiy german tillari: bu kichik gruppaga kiruvchi tillar: vestgot, ostgot tillari o`lik tillar hisoblanadi.
6.Roman tillari gruppasi. Bu tillar gruppasi frantsuz tili, italyan tili, ispan tili, portugal tili, rumin tili, moldavan tili, latin tillaridan iborat bo`lib, latin tili o`lik til hisoblanadi. Juda ko`p adabiy va tarixiy-madaniy asarlar latin tilida yozilgan. Botanika, meditsina, astronomiya fanlariga oid asarlar XIX asrgacha latin tilida yozilgan. Bir necha asrlar davomida G`arbiy yevropada latin tili asosiy yozuv tili vazifasini o`tagan. Hozirgacha latin tili meditsinada qo`llanib kelmoqda.
7.Kelt tillari gruppasi. Irland tili, shotland tili yoki gel tili o`lik til hisoblanadi. shotlandiyaliklar ingliz tilida so`zlashadilar.
8.Grek tillari gruppasi. Hozirgi davrda bu gruppadan faqat grek tili qolgna. Bu til Gretsiyaning davlat tili hisoblanadi.
9.Alban tili. Alban tili Alban Xalq Respublikasining tili hisoblanib, bu tilning lug`at sostavida grek, roman, slavyan va turkiy tillardan o`tgan so`zlar ko`p uchraydi. Yozuvi latin alfavitiga asoslangan.
10.Arman tili. Arman tili qadimiy yozuvga ega bo`lgan tildir. Hozir esa Armanistonning asosiy tili hisoblanadi. Arman tilida yozuv V asrdan beri mavjud va uning o`z alfaviti bor. Bu tilda shevalar ko`p.
Hind-evropa tillari oilasiga yuqorida ko`rsatilgan tillardan tashqari, xett-toxar kabi o`lik tillar va ularning shevalari ham kiradi.
II.Xom-som tillari oilasi.
Som tillari oilasiga kiruvchi tillar uch gruppaga bo`linadi:
1.Sharqiy som tillari: akkad tillari. Bu tillar juda qadimgi yodgorliklarda o`z aksini topgan.
Dostları ilə paylaş: |
