Uyushmasi rustаm musurmon
Yüklə 0,92 Mb. Pdf görüntüsü
|
|
YOR KELАR YO‘LGА QАRАB
Jonim, ishq faslida gull ekdingizmu? Bepoyon ko‘nglimga mo‘ll ekdingizmu? Visolim hosilin terolmasin deb, Ko‘zimga mevasiz yo‘ll ekdingizmu?! – O‘tti, o‘tti, o‘tti-yovv… Hamma o‘tib ketti-yovv… Ul sarvinoo-oz o‘tt-ma-di-uvv… Shoxlari har yoqqa shoxchalaydi-ey, Har shoxda bir bulbul “chah-chah”laydi-yey. Ko‘nglimda ochilgan gul-u g‘unchalar Samandarqushlarni “gah-gah”laydi-yey: – O‘tti, o‘tti, o‘tti-yovv… Hamma o‘tib ketti-yovv… Ul sarvinoo-oz o‘tt-ma-di-uvv… Bu og‘ochch aqlimga, so‘roo-oqq sooladi: “Nechunn… Menga nuqull firoo-oqq sooladi? Sizga… Ezilgandan shirasi chiqibb, Chak-chakk tomayotgan yuraa-akk sooladi?” – O‘tti, o‘tti, o‘tti-yovv… Hamma o‘tib ketti-yovv… Ul sarvinoo-oz o‘tt-ma-di-uvv… Ildiz otayotir bag‘irlarimga, www.ziyouz.com kutubxonasi Rustаm MUSURMON 50 Iishqq, Iishqq oqayotir tomirlarimda. Nahotki, siz uning novdalarini Payvandlab qo‘ydingiz tomirlarimga?! – O‘tti, o‘tti, o‘tti-yovv… Hamma o‘tib ketti-yovv… Ul sarvinoo-oz o‘tt-ma-di-uvv… Jonim, ishq faslida gull ekdingizmu? Bepoyon ko‘nglimga mo‘ll ekdingizmu? Visolim hosilin terolmasin deb, Ko‘zimga mevasiz yo‘ll ekdingizmu?! IZTIROB Bilmadim, irodang toshmi-temirmi, Nechun diydalaring bunchalar qattiq? Hayot daraxtidan terib yedirdim Senga mevalarni achchiqdan-achchiq: – Navqiron, navqiron, sen orqada qol, Bu mening sevgilim – oltmish yashar chol! Qismat umidlarga qabrlar qazar, Qayrab kelyapman qilichlarimni. Tayyorlan galdagi zarbaga, hozir Uzib yuboraman ilinjlaringni: – Navqiron, navqiron, sen orqada qol, Bu mening sevgilim – oltmish yashar chol! www.ziyouz.com kutubxonasi BOZBАRАK 51 Tilimga chiqarsam dilimdagini, Navqiron yigitsan jonimga yoqar. Dilimga yashirsam tilimdagini, Zamon senga emas, cholimga boqar: – Navqiron, navqiron, sen orqada qol, Bu mening sevgilim – oltmish yashar chol! Ko‘zlarim kulsa-da, dilda alam bor, Chilparchin qilgudek butun olamni. Ichimga sharillab yog‘ar jolam bor, Otasi tirikdir sag‘ir bolamning: – Navqiron, navqiron, sen orqada qol, Bu mening sevgilim – oltmish yashar chol! Ilojim qolmadi… Yigitsan, meni Bu yo‘ldan qaytargin, qo‘lingdan kelsa. Yolg‘on so‘zlab aldab yuribman seni, Gapimga ishonma hali ham bo‘lsa: – Navqiron, navqiron, sen orqada qol, Bu mening sevgilim – oltmish yashar chol! www.ziyouz.com kutubxonasi Rustаm MUSURMON 52 * * * Yiqildim, ko‘makka keldi faqat it, Yo‘llar oyog‘imga bosh urishdilar – Izladim, chaqirdim, ko‘chalar jimjit, Ular izingizni yashirishdilar. Gulim, sizni yo‘llar qizg‘anadi mendan. Yillar mening umrim taqvimlaridan Qizil kunlarini o‘chirishdilar. Faqat chehrangizni ko‘zimdan olib, Yuragimga o‘y-yib ko‘chirishdilar. Gulim, sizni yo‘llar qizg‘anadi mendan. Bedor kezganimda har tong, har sahar, Meni tushlarida ko‘rganmish gullar. Yig‘lab uyg‘ondilar, lekin har safar, Eh-h, meni tushida ko‘rganmish gullar! 1989yil www.ziyouz.com kutubxonasi |