Uzbek stationery

Kooperativ ta’lim usuli eng kamida uchta muhim maqsadlarga erishish uchun ishlab chiqilgan:

• 
  Akademik o‘zlashtirish. Kooperativ usulda ta’lim olishda yuqori bilim darajasiga ega bo‘lgan talabalar pastroq darajadagi bilim dara-jasiga ega bo‘lgan talabalar bilan birgalikda ishlaydilar va tegishli materiallarni birgalikda o‘rganadilar. Bu esa past darajadagi bilim tolib-lari bilimlarining yuqori darajadagi bilim sohiblari bilimdonlik dara-jasiga tenglashuviga va bilim olishga bo‘lgan ishtiyoqning ancha kucha-yishiga olib keladi. Yuqori bilimli talabalar past bilimlilarga ko‘rsat-malar va topshiriqlar berish tufayli ularni bilim olishga qiziqtiradilar. Bu esa ularning bir-birlariga bo‘lgan ishonchini va o‘zaro do‘stlikni ri-vojlantiradi.
  
• 
  Irqiy va jinsiy munosabatlarni yaxshilash. Kooperativ usulda ta’lim olishning ikkinchi muhim ahamiyati irqi, jinsi va kelib chiqishi qanday bo‘lishidan qat’iy nazar, guruh a’zolari birga ishlaydilar va buning oqibatida bir-birlariga mehr-oqibatli bo‘ladilar, bir-birlarini yax-shiroq tushunadilar va keyinchalik birgalikda ishlay olish fazilatlariga ega bo‘ladilar.
  
• 
  Ijtimoiy ko‘nikmalar hosil qilish. Kooperativ usulda ta’lim olish-ning yana bir muhim jihatlaridan biri talabalarning kooperatsiya va bir-damlik saboqlarini olishlaridir. Bular keyinchalik turli xil jamoalarda muvaffaqiyatli ishlashda qo‘l keladigan eng muhim ko‘nikmalar ekan-ligini hech kim rad eta olmasa kerak. Bu, ayniqsa, global jamoalar, firmalar va korporatsiyalar jadal sur’atlar bilan rivojlanayotgan hozirgi davrda juda ham zaruriy ko‘nikmalardir.
  

Kooperativ usulda ta’lim berishning oltita asosiy fazasi bo‘lib, ularni qisqacha quyidagi jadvalda ifodalashimiz mumkin:

FAZALAR	Bajariladigan vazifa	O‘qituvchining faoliyati
1-Faza	Maqsadlarni aniqlash	O‘qituvchi dars uchun rejalashtirilgan barcha maqsadlarni o‘quvchilarga birma-bir tushuntirib chiqadi va darsni boshlaydi
2-Faza	Ma’lumotlar bilan ta’minlash	O‘qituvchi talabalarga og‘zaki yoki yozma tarzda kerakli ma’lumotlarni aytadi yoki beradi
3-Faza	Talabalarni guruhlarga bo‘lish	O‘qituvchi talabalarga qanday qilib ishchi guruhlar tashkil qilishni tushuntiradi va guruhlarga nima ish qilish kerakligini bildiradi
4-Faza	Guruhlardagi ishga va masalani o‘rganish jarayoniga ko‘mak berish	O‘qituvchi guruhlarga muammoni qanday qilib hal qilish kerakligi bo‘yicha amaliy yordam beradi
5-Faza	Tekshirish	O‘qituvchi guruhlarning o‘z natijalarini taqdimot qilishlariga baho beradi va ular tayyorlagan materiallarni tekshiradi
6-Faza	Natijalarga baho berish	O‘qituvchi guruhlarning va alohida o‘quvchilarning mehnati va bilimiga munosib baho beradi

Ushbu ta’lim usuli modelining bir necha xil variatsiyasi mavjud bo‘lib, ular quyida keltiriladi:

•