O‘yinning nomi: «Maqollar o‘yini» O‘yinning turi: Faollashtiruvchi (Aktivator)
Maqsad: O‘quvchilarning bir-birlarini yaxshiroq tanib
olishlari uchun
Vaqti: 20-30 daqiqa
Guruh kattaligi: Xohlagancha kattalikda
Ishlatiladigan materiallar: Maqollar yozish uchun qog‘oz bo‘laklari va guruh uchun yetarli bo‘lgan maqollar turkumi.
Amalga oshirilishi:
Qatnashuvchilarning har biriga maqolning yarmi yozilgan qog‘oz bo‘lagi berilib, uning qolgan yarmini topish va yozish topshirig‘i beri-ladi. Ular maqolning keyingi qismini biladigan shaxsni o‘quvchilar orasidan topishlari lozim bo‘ladi. Bunday qatnashuvchi topilganidan so‘ng ular bir-birlarini yaxshiroq bilish uchun bir qancha vaqt suhbat-lashadialr. Keyin esa ular katta guruhga maqolni to‘laligicha aytib be-rishlari lozim bo‘ladi.
O‘yinning nomi: «Haqiqat va yolg‘on»
O‘yinning turi: Faollashtiruvchi (Aktivator)
Maqsad: Tegishli mavzu bo‘yicha o‘quvchilarning bilimlarini yanada oshirish
Vaqti: 10-15 daqiqa
Guruh kattaligi: Xohlagancha
Ishlatiladigan materiallar: O‘qituvchi tomonidan o‘rganilayot-gan mavzu bo‘yicha har bir talaba uchun qog‘oz bo‘lagida yozilgan hamda iloji bo‘lsa mavzu bilan bog‘liq bitta rost va bitta yolg‘on misol, dalil, fakt, qoida, ko‘rsatkich, so‘z yoki misol beriladi.
Amalga oshirilishi:
O‘qituvchi har bir talabaga ma’lumotlar yozilgan qog‘oz bo‘lak-larini tarqatadi va ularga 4 talabadan iborat guruhlarga bo‘lingan holda buni muhokama qilishni topshiradi. O‘yin so‘ngida har bir guruhdagi bir talaba guruhga tegishli barcha ma’lumotlarni tahlil qilib berishi lozim bo‘ladi. Ya’ni, u bularning ichida qaysi biri to‘g‘ri va qaysi biri noto‘g‘ri ekanligini aytib, talabalarning ushbu mavzu bo‘yicha bilim-larini oshiradi.
O‘yinning nomi: «Ism belgilari» O‘yinning turi: Kirish qismida qo‘llanilishi mumkin.
