Va axborot texnologiyalari 5-sinf toshkent – 2020

I BOB. 
INFORMATIKA VA AXBOROT OLAMI
MUALLIFDAN
Aziz o‘quvchi! Qo‘lingizdagi yangi avlod darsligi bilim
xazinangizni yanada boyitish yo‘lida Sizning eng yaqin
hamrohingiz bo‘lishiga ishonamiz. Ma’lumki, zamonaviy ilmiy
texnika va axborot texnologiyalari rivojlanishi bilan birga sifatli
bilim olish va o‘qitish uslublari ham har tomonlama o‘zgarib
bormoqda.
Shu jarayonlar natijasida, hukumatimiz har tomonlama oqil,
bilimdon, ishbilarmon kelajak yoshlarining o‘sib-ulg‘ayishini
ko‘zlamoqda. Buning uchun ta’lim yo‘nalishida jahon
standartlariga javob bera oladigan yangi qonun va loyihalar
ustida ish olib bormoqda.
Aziz o‘quvchi! Siz buyuk kelajakni yaratuvchi, yangi
texnologiyalarni hayotga tatbiq etuvchi va koinotni
zabt etuvchi shaxssiz. Shuni bilingki, bilim, ko‘nikma va
layoqatlarsiz bu maqsadlarga erishib bo‘lmaydi.
Ushbu darslik Sizning orzu-niyatlaringiz ro‘yobga chiqishida
poydevor vazifasini bajaradi. Hayotimizning ajralmas qismi
hisoblanuvchi axborot texnologiyalari, xususan, yangi avlod
kompyuterlarida ishlash ko‘nikmani hosil qilishingizda birinchi
qadam bo‘ladi, degan umiddamiz.
BU MEHNATTALAB HAMDA QIZIQARLI JARAYONDA 
SIZGA ULKAN ZAFARLAR TILAB QOLAMIZ!

---

---

5
1-DARS. KOMPYUTER XONASIDA XAVFSIZLIK TEXNIKASI 

QOIDALARI VA SANITARIYA–GIGIYENA TALABLARI
1-dars. KOMPYUTER XONASIDA XAVFSIZLIK 
TEXNIKASI QOIDALARI VA SANITARIYA-
GIGIYENA TALABLARI
“Informatika va axborot texnologiyalari” fanini o‘rganish maqsadida maktablarda maxsus
kompyuter xonalari tashkil etilgan. Hammaga ma’lumki, barcha elektr asboblari kabi
kompyuter ham inson hayoti uchun xavfli bo‘lgan tok yordamida ishlaydi.
Bunday qurilmalardan foydalanishda ehtiyot choralarini bilish talab etiladi.
O‘quvchilar kompyuter xonasidagi tartib-intizom qoidalarini bilmasligi oqibatida, ko‘plab
noxush holatlar va xavfli vaziyatlar yuzaga kelishi mumkin. Natijada, u nafaqat o‘ziga, balki:
• atrofdagilar sog‘lig‘iga;
• qimmatbaho texnik qurilmalarga zarar yetishiga;
• shuningdek, kompyuter xotirasidagi muhim ma’lumotlarning o‘chib ketishiga sabab bo‘lishi
mumkin.