Vaxobov h, mirzamahmudov o. T

SAVOL VA TOPSHIRIQLAR 
1.Metodologiya deganda nimani tushunasiz? 
2.Ilmiy-tadqiqot usullarining vazifasi nimadan iborat? 
3.Tadqiqot usullari qanday usullarga bo’linadi? 
4.Nazariy usullarga qaysi usullar kiradi? 
5.Geografiya ta’limining rivojlanishini dastlabki bosqichlarida qanday usullar 
ko’proq qo’llanilgan? 
6.Qaysi usul bilan har qanday tadqiqot boshlanadi? 
7.Statistik-matematik usullarni ahamiyati nimadan iborat? 
8.Qaysi usul qanday hollarda qo’llaniladi? 
9.Tarixiy usul haqida so’zlab bering. 
10.Tizimli tuzilish usullarini qanday hollarda qo’llash mumkin? 
11.Eksperimental-emprik usullar qanday qismlardan iborat ekanligini so’zlab 
bering. 
12.Kuzatish ob’ektiga nimalar kiradi? 
13.So’rovnoma usuli qanday hollarda qo’llaniladi? 
14.Pedagogik eesperiment haqida so’zlab bering. 
15.Maktab xujjatlariga nimalar kiradi? 
 
1.5. Metodik tadqiqotlar bosqichlari. 
Ta’lim va tarbiya ishlarini ma’lum bir maqsadlar va yo’nalishlarda 
borishi, ularning samaradorligi ilmiy pedagogik ishlarning to’g’ri tashkil 
qilinishiga hamda ularning natijalariga bog’liq. Shu maqsadda metodik 
tadqiqotlar bir necha bosqichlarda olib boriladi.

---

Ular quyidagilardan iborat: 
-muammoning qo’yilishi; 
-tadqiqot ob’ekti va predmetini tanlash; 
-tadqiqotni maqsad va vazifalarini aniqlash; 
- ishchi g’oyani ishlab chiqish; 
-ishlab chiqilgan g’oyani pedagogik tajribalarni kuzatish va eksperi-
mental ishlarni bevosita o’rganish asosida tekshirish; 
-olingan yangi ma’lumotlar va bilimlar asosida nazariy xulosalar 
ishlab chiqiladi va tadqiqot natijalarini tekshirish amalga oshiriladi. 
Muammoni qo’yish bosqichi
. Mazkur bosqichda tanlangan mavzu 
bo’yicha mavjud adabiyotlar o’rganib chiqiladi, natijada muammoning 
tarixi va nazariyasi o’rganiladi, maktablarning tajribasi va yuqori peda-
gogik tajribalar tahlil qilinadi. Buning natijasida muammoning o’rganil-
ganlik darajasi aniqlanadi. Muammoning qaysi tomonlariga to’la va 
mukammal va qaysi tomonlariga kam yoki umuman o’rganilmaganligi 
aniqlanadi. Mazkur ish davomida nazariy xolatlar tahlil qilinadi va o’quv 
jarayonining aniq xolatini tavsifi tuziladi. Bunday tadqiqot tasdiqlovchi 
eksperiment usuli deb ataladi. Ushbu bosqichning oxirida tadqiqot 
ishlarini kengaytirilgan dastur loyihasi ishlab chiqiladi.