XIZMAT FAOLIYATIDAGI TASHQI KO‘RINISH VA KIYINISH USLUBIGA OID ODOB-AXLOQ QOIDALARI 21. Shaxsiy tarkibning xizmat faoliyatidagi tashqi ko‘rinishi va kiyinish uslubi
fuqarolarning Favqulodda vaziyatlar vazirligi faoliyatiga hurmatini, shu jumladan davlat
xizmatining nufuzini oshirishga xizmat qilishi kerak.
22. Shaxsiy tarkibning tashqi ko‘rinishi xizmat (mehnat) sharoitlari va vazirning
tegishli buyrug‘iga muvofiq, xizmat majburiyatlarini bajarishi vaqtida fuqarolarning
Favqulodda vaziyatlar vazirligiga nisbatan hurmat bilan munosabatda bo‘lishiga
ko‘maklashishi, umumiy qabul qilingan ish uslubiga muvofiq bo‘lishi va rasmiylik, xolislik,
kamtarlik va intizomni namoyon etishi lozim.
23. Shaxsiy tarkibning xizmat (ish) joyida tashqi ko‘rinishi va kiyinish uslubiga oid
qo‘shimcha talablar idoraviy odob-axloq qoidalari hamda ichki mehnat tartibida tegishli
buyruq asosida belgilanishi mumkin.
MANFAATLAR TO‘QNASHUVI 24. Shaxsiy tarkib mansab yoki xizmat majburiyatlarini bajarish vaqtida manfaatlar
to‘qnashuviga olib keladigan yoki olib kelishi mumkin bo‘lgan shaxsiy manfaatdorlikka yo‘l
qo‘ymasligi kerak.
25. Manfaatlar to‘qnashuvi yuzaga kelgan taqdirda harbiy xizmatchi va xizmatchilar
o‘zining raxbarini darxol xabardor qilishi shart.
Manfaatlar to‘qnashuvi mavjudligi to‘g‘risida ma’lumotlar olgan raxbar bu
to‘qnashuvning oldini olish yoki uni bartaraf etish yuzasidan o‘z vaqtida choralar ko‘rishga
majbur.
SHAXSIY TARKIBNING MANFAATINI HIMOYA QILISH 26. Shaxsiy tarkibni xizmat vazifalarini bajarish bilan bog‘liq taxdid, xaqorat, tuxmat
va qonunga xilof boshqa xatti-xarakatlardan himoya qilish Favqulodda vaziyatlar vazirligi
tizimidagi raxbariyat tarkibi tomonidan amalga oshiriladi.
