Məcburi vərəsələrin hüquq və mənafelərinin təmin olunması prinsipi vərəsəlik hüququnun prinsiplərindən biridir. Onun əsas mahiyyəti ondan ibarətdir ki, vəsiyyət edənin yaxın qohumları sayılan bəzi kateqoriya şəxslərin vəsiyyət sərəncamının məzmunundan asılı olmayaraq mirasdan məcburi pay almaq hüququ vardır.
Vərəsəliyin mülkiyyət hüququ ilə bağlı olması prinsipi vərəsəlik hüququnun prinsipləri sırasına daxil edilir. Bu prinsipə görə, vərəsəliklə mülkiyyət hüququ arasında sıx və qarşılıqlı əlaqə vardır. Onlar bir-birini tamamlayaraq qarşılıqlı surətdə şərtləndirir. Vərəsəliklə mülkiyyət hüququnun bağlılığı və əlaqəsi iki aspektdə təzahür edir. Birincisi, vərəsəlik mülkiyyət hüququnun əmələ gəlməsinin ən vacib törəmə üsullarından biridir. kincisi, vərəsəlik mülkiyyət hüququnun elementlərindən biri olan sərəncam səlahiyyətlərinin formalarından biridir
