Tana haroratini tushiruvchilar. Patologik holatlarda organizmga mikroblar kirganda, yallig‘lanishlarda, sifatsiz ozuqa zaharlari tushganda issiqlikni boshqarish organizmda buziladi, yani isitma hosil bo‘ladi. Isitma – bu organizmga tushgan yod narsalarga himoya reaksiyasi hisoblanadi. Lekin isitma organizmda uzoq vaqt davom etsa, u organizmni toliqtiradi, organlar ish faoliyatiga noxush ta’sir etadi. Bunday paytlarda tana haroratini tushiruvchi dorilar qo‘llaniladi.
Ta’siri. Bu dorilar MNS da joylashgan qo‘zg‘algan issiqliq markazini tinchlantiradi, natijada issiqlik chiqarish kuchayadi. Issiqlik chiqarish teridagi tomirlar kengayishi, terini qizishi va terlash hisobiga bo‘ladi. Lekin bu dorilar faqat organizmda tana harorati ko‘tarilgandagina ta’sirini namoyon qiladi.
Bu dorilar yana og‘riq qoldiruvchi va revmatizmga qarshi ta’sir etadi. Ular qo‘zg‘algan og‘riq markazlarini susaytiradi va periferik nervlar sezuvchanligini kamaytiradi va analgetik ta’sir etadi.
Revmatizmga qarshi ta’siri shundan iboratki, salitsilatlar qo‘llanilganda yallig‘langan o’chog‘da CO2 ni kamayishi va salitsil kislotani bakteriotsid ta’siriga bog‘liq.
Bu dorilar veterinariyada isitma chiqishi bilan kuzatiladigan turli kasalliklarda qo‘llaniladi.
Tarkibi bo‘yicha 3 ta guruhga bo‘linadi.
1. Anilin unumlari
2. Pirazolin unumlari
3. Salitsil kislota unumlari
