Windows 7 əməliyyat sistemində çox istifadəçili rejimdə işləmə
Praktikada bəzən bir kompüterdən bir neçə istifadəçi istifadə etməli olur. Aydındır ki, hər bir istifadəçinində Windows 7 əməliyyat sistemini özünə məxsus tənzimləməsi və xüsusi proqram dəsti ilə işləmək istəyi var. Bu məsələləri həll etmək üçün Windows 7 əməliyyat sistemi həm də, bir neçə istifadəçi konfiqurasiyası ilə işləmək üçün nəzərdə tutulan çox istifadəçili əməliyyat sistemidir. Burada hər bir istifadəçi nəinki interfeysin tənzimlənməsini özündə saxlayır, həm də bir istifadəçinin seçdiyi uyğun proqram dəstinin sistemdə mövcud olması faktı, eyni zamanda digər bütün istifadəçilər üçün gizlin saxlana bilər. Bundan başqa, istifadəçi hər bir konfiqurasiya üçün özünün «şəxsi» qovluğunu məsələn, Документы (Documents (Sənədlər)) qovluğunu yaratmalıdır. Hər bir istifadəçi İnternetdə xüsusi elektron göndərişlər bazası ilə, xüsusi seçilmiş səhifələrlə işləmək üçün özünün xüsusi qeydiyyat vəsiqəsini yarada bilər.
Nəhayət, əsası odur ki, kompüterin istifadəçilərini bərabərhüquqlu etməmək olur. Bir istifadəçiyə kompüterdəki bütün qovluqlara və disklərə daxil ola bilmə hüququ verilə bilər, başqa bir istifadəçiyə isə kompyuterin disk yaddaşının kiçicik bir hissəsinə daxil ola bilmə imkanını vermək olar.
