2. Darsning mohiyatini tushuntirib bering?
3. Sinf-dars shaklidagi mashg‘ulotlardan amaliy va tajriba
shaklida olib boriladigan mashg‘ulotlar qanday farqlanadi?
4. Bugungi kunda ta’lim maskanlari oldida turgan muhim
vazifalar nimalardan iborat?
5. Darsning tashkiliy daqiqalari deganda nimani tushunasiz?
6. Dars qanday didaktik talablarga javob berishi lozim?
7. O‘quv rejasi va o‘quv dasturini izohlab bering?
8. Darslik nima, u qanday talablarga jvob berishi kerak?
9. Aralash dars deganda nimani tushunasiz?
7- Ma’ruza. Ta'lim metodlari va vositalari. Reja: 7. 1. O‘qitish usullari to‘g‘risida tushuncha. 7. 2. O‘qitish usullarining turlari. 7. 3. Ta’lim jarayonida o‘quvchilarni rag‘batlantirish va tanbeh berish usullari. Muammoli ta’limning maqsad va mohiyati. 7.4. Ta’lim vositalari va ularning tasnifi. 7.5. Ta’limning texnik vositalari. Adabiyotlar. 2, 6, 10, 15, 16, 21. Tayanch iboralar: ta’lim jarayoni, usul, vosita, o‘qitishning og‘zaki, ko‘rgazmali, amaliy, muammoli –izlanish, induktiv va deduktiv, mustaqil ish, rag‘batlantirish, o‘z-o‘zini nazorat qilish usullari, muammoli ta’lim, muammoli vaziyat yaratish.
5. 1. O‘qitish usullari to‘g‘risida tushuncha. Ta’lim jarayonida to‘g‘ri usul tanlar ekanmiz, ko‘zlangan natijaga komil ishonch va qisqa yo‘l bilan erisha olamiz. O‘qitishning samarali borishi, o‘quvchi-talabalarning har bir fanni chuqur o‘zlashtirib olishlari, shuningdek ular bilimlarni ongli va mukammal egallashlari uchun hamda yoshlarda mustaqil va ijodiy faoliyat-fikrlarining rivojlanishiga bevosita o‘qituvchining ta’lim usullaridan keng va mohirona foydalana olishiga bog‘liqdir.
Pedagogika tarixidan, pedagogika amaliyotida ham o‘qitish usullarining juda katta boyligi to‘plangan.
