Ta'lim yo‘nalishi: 60110100 – “Pedagogika va psixologiya”
“PEDAGOGIKA NAZARIYASI TARIXI” fani bo‘yicha ma'ruzalarda keltirilgan atamalarning G L O S S A R I Y S I
An'anaviy ta'lim - markazida o‘qituvchi turadi deb yuqorida qayd qildik, o‘quvchi esa o‘z tinglaganlarini, ta'kidlab aytamiz o‘qituvchi tomonidan bayon qilinganlarni esda saqlash va xotiralashga harakat qiladi.
Avtoritar qobiliyat – o‘quvchilarga bevosita ta'sir ko‘rsatish va shu asosda obro‘ qozona olish.
Amaliy mashg‘ulot - o‘quv ishlarining mantiqiy davomi bo‘lib, bu termin talabalarning mustaqil auditoriya ishlarining umumiy tushunchasi hisoblanadi. Agar ma‘ruzada ilmiy bilimlar asosi bayon qilinadigan bo‘lsa, amaliy mashg‘ulotlarda bilimlar chuqurlashtiriladi, kengaytiriladi va detallashtiriladi. Eng muhimi, amaliy mashg‘ulotlar talabalarning bilimini sinashga xizmat qiladi.
Amaliyot - bilimlarning haqiqiyligini ko‘rsatuvchi mezondir. Kuzatish, tajriba, o‘zgartirish, yaratish, - bular amaliyot shakllariga kiradi. Amaliyot ijtimoiy hayot va tabiatning murakkab jarayonlarini bilib olishda inson uchun asosiy qurol bo‘lib xizmat qiladi.
Amaliyot – ta‘lim shakllaridan yana biri bo‘lib, unda talaba oliy o‘quv yurtida olgan nazariy bilimlarini bevosita amaliyotga tadbiq etadi. Amaliyot talaba uchun kelajak ish faoliyatida ilk qadami bo‘lib, shu amaliyot davomida talaba oliy o‘quv yurtida olgan bilimlarini qanchalik amaliyotga qo‘llay olishini o‘z nuqtai nazaridan ham baholaydi va bu orqali unda kelajagini tasavvur qilishga imkon yaraladi.
