Samarqanddagi yahudiylar ta'limga va madaniy hayotning rivojlantirishga alohida e'tibor berishgan.
Bu ishlar homiylik va xayr-ehsonlar hissobidan amalga oshirilgan. Yahudiylar ta'limotiga ko‘ra ular o‘z daromadlarining 10 dan bir qismini (daxyak)ni qambag‘allarga, sinagoglar ehtiyojiga, qabristonlarga va bolalarning ta'lim olishi uchun ajratilgan.
Bir so‘z bilan aytganda, yahudiy maktablari ham diniy va ham dunyoviy ta'lim maskani sifatida mintaqadagi ta'lim tizimida o‘z o‘rniga ega bo‘lgan.
Kaspiy orti temir yo‘li ishga tushgach Samarqand viloyatiga arman millatiga mansub aholi ham ko‘chib keladi. 1893 yilda viloyat bo‘yicha 103 nafar arman yashagan bo‘lsa, 1910 yilga kelib, ularning soni 1266 nafarga yetadi.
Bu millat vakillari 1898 yil 31 oktyabrda Samarqand shahrida o‘z ibodat uylarini va uning qoshida milliy maktablarini tashkil qilishgan. Viloyat miqqiyosida birgina mana shu ibodat uyi qoshidagi arman maktabi faoliyat ko‘rsatgan.
Maktab asosan diniy ruhda bo‘lib, ruhoniy o‘qituvchilik qilgan. Arman va yahudiylar maktablari garchi milliy maktab ko‘rinishida bo‘lsa ham, ular bolalarga rus tili va rus madaniyatini o‘zlashtirishga, rus fuqaroligiga tayyorlash funksiyasini bajargan.
1 bob bo‘yicha
XIX asr ikkinchi yarmi – XX asr boshlarida Samarqand viloyati Turkiston ilm-fani va maorif tizimida o‘ziga xos o‘rin tutgan holda, xududda mavjud an'anaviy ta'lim shakllari, xususan, boshlang‘ich maktablarning (musulmon, yahudiy maktablari) aholiga diniy-ahloqiy bilimlar hamda jamoat tartib-qoidalarini o‘rgatishdagi tayanch vazifasi, shu bilan birgalikda, boshlang‘ich ta'lim jarayonidagi muammolar (eski usul, “yod olish” ta'limi, bino yetishmasligi va b.), o‘qituvchi va o‘quvchilar ijtimoiy holati va moddiy ta'minoti singari masalalar ochib berilgan;
