Xorijiy investitsiyalar fanidan

 
4.2. O’zbekiston Respublikasiga xorijiy investitsiyalarni jalb qilishning 
huquqiy asoslari 
 
O’zbekistonda xorijiy investitsiyalarni jalb qilish va tartibga solishda 
O’zbekiston Respublikasining qonunlari va boshqa me’yoriy-huquqiy hujjatlar uning 
huquqiy asosi bo’lib xizmat qiladi.

O’zbekiston Respublikasida xorijiy investitsiyalarni jalb etish sohasidagi asosiy 

me’yoriy-huquqiy hujjatlar quyidagilardir: 
-O’zbekiston Respublikasining «Investitsiya faoliyati to’g’risida»gi Qonuni, 
4.12.1998 y.; 
-O’zbekiston Respublikasining «CHet el investitsiyalari to’g’risida»gi Qonuni, 
30.04.1998 y.; 

---

14 
-O’zbekiston Respublikasining «CHet ellik investorlar huquqlarining kafolatlari 
va himoya choralari to’g’risida»gi Qonuni, 30.04.1998 y.; 
-O’zbekiston Respublikasi Prezidentining «O’zbekiston Respublikasining 2010 
yilgi Investitsiya dasturi to’g’risida»gi Qarori, 28.10.2009 y.;
-O’zbekiston Respublikasi Prezidentining «To’g’ridan-to’g’ri xususiy xorijiy 
investitsiyalarni jalb etishni rag’batlantirish borasidagi qo’shimcha chora-tadbirlar 
to’g’risida»gi Farmoni, 11.04.2005 y. 
4.3. Investitsiya shartnomalari 
 
O’zbekiston Respublikasi Vazirlar Mahkamasining 2005 yil 2 avgustdagi 180-
sonli qaroriga asosan “Investitsiya shartnomalarini tuzish va amalga oshirish tartibi” 
to’g’risida nizom ishlab chiqilgan. Mazkur Nizomga Vazirlar Mahkamasining 2006 
yil 7 iyuldagi 133-sonli qaroriga muvofiq o’zgartirishlar kiritilgan. 
Ushbu Nizom O’zbekiston Respublikasi "CHet ellik investorlar huquqlarining 
kafolatlari va ularni himoya qilish choralari to’g’risida"gi Qonunining 4-moddasiga 
muvofiq chet ellik investorlarga qonun hujjatlarida belgilanganlarga qo’shimcha 
kafolatlar va himoya choralari (imtiyozlar va preferentsiyalar) berishda ular bilan 
O’zbekiston Respublikasi Hukumati tomonidan investitsiya shartnomalari tuzish 
tartibini belgilaydi. CHet ellik investorlar bilan ularning qo’shimcha kafolatlar va 
himoya choralari (imtiyozlar va preferentsiyalar) berish bilan bog’liq bo’lmagan 
investitsiya majburiyatlarini mustahkamlashga yo’naltirilgan shartnomalarni tuzish 
va amalga oshirish qonun hujjatlarida belgilangan tartibda amalga oshiriladi.
Ushbu Nizomga muvofiq chet ellik investorlarga quyidagi yo’nalishlarda 
kafolatlar va himoya choralari (imtiyozlar va preferentsiyalar) berish ko’zda tutilgan: 
-barqaror iqtisodiy o’sishni, mamlakat iqtisodiyotini progressiv tarkibiy 
o’zgartirishlarni ta’minlovchi ustuvor tarmoqlarni rivojlantirilishida; 
-respublikaning ishlab chiqarish va eksport salohiyatini mustahkamlash va 
kengaytirishni, respublikani jahon xo’jalik aloqalariga integratsiyalashni ta’minlovchi 
ustuvor loyihalarni amalga oshirilishida; 
- xom ashyo va materiallarni qayta ishlashga, iste’mol tovarlari ishlab chiqarish 
va xizmatlar ko’rsatishga, aholini ish bilan ta’minlashga yo’naltirilgan kichik 
tadbirkorlik sohasidagi loyihalarni investitsiyalashning amalga oshirilishida.