Xx fəsil Riyaziyyatda fənn proqramı Ümumi hissə a Giriş

Riy.güc.XI.9. Şagird müstəvidə fiqurların həndəsi çevirmələrini xarakterizə edə və onlardan həndəsi problemlərin həlli üçün istifadə edə bilər.

Nəticə göz önündədir, əgər şagird:

• 
  Həndəsi fiqurların verilmiş həndəsi çevirmə (çevirmənin invariantları) zamanı dəyişməyən xarakteristikalarını sadalayır ;
  
• 
  Fiqur haqqında müxtəlif göstəricilərdən (məsələn, fiqurların ölçüləri, fiqurların təpələrinin koordinatlarını, fiqurların elementləri arasında cəbri nisbətlər) istifadə etməklə iki həndəsi fiqurun ekvivalentliyini verilmiş çevirməyə və ya çevirmə tipinə nəzərən əsaslandırır və ya inkar edir;
  
• 
  Fiqurun həndəsi çevirməsini müstəvidə Dekart koordinatları vasitəsi ilə təsvir edir;
  
• 
  Koordinatlarda verilmiş həndəsi çevirmənin mümkün tipini (paralel köçürmə, tərsinə çevirmə, homotetiya, ox simmetriyası) göstərir.
  

Riy.güc.XI.10. Şagird fəza fiqurunu öyrənmək üçün fəza fiqurunun kəsikləri və proyeksiyalardan istifadə edə bilər.

Nəticə göz önündədir, əgər şagird:

• 
  Fəza fiqurunun kəsiyinin mümkün forması barədə düşünür və fəza fiqurunun qeyd edilmiş kəsiklərini qurur;
  
• 
  Verilmiş paralel proyeksiya zamanı fiqurun proyeksiyasını tapır;
  
• 
  Fəza fiqurunun mümkün forması haqqında onun kəsik/kəsiklərinə əsasən mülahizə yürüdür;
  
• 
  Fiqurun mümkün forması haqqında onun çertyoju əsasında paralel proyeksiya zamanı mülahizə yürüdür;
  
• 
  Düz xəttin ətrafında çoxbucaqlının fırlanması nəticəsində alınmış fəza fiqurunu tanıyır və təsvir edir.