Ózbekistan respublikasi joqarí HÁm orta arnawlí TÁlim wázirligi

II. BAP Ilimiy ámeliy bólim.


2.1. Sotsial psixologiyaliq maslasqanliq xarakteristikalarin u’yreniw metodikasi (F.K. Rodjers, R.Daymond)
Sotsial – psixologiyaliq maslasqanliq shkalasinin’ original varianti á9óń jil F.K.Rodjers ha’m R.Daymond ta’repinen islep shig’ilg’an. Usi sorawnama mekteplerdegi «ta’rbiyasi qiyin balalar»din’ emotsiya ha’m minez – qulqindag’i buziliwlardi u’yreniw ushin (Murzenko V.A. á9ww), mektep adaptatsiyasi – dezadaptatsiyasinin’ ko’rsetkishi sipatinda baslang’ish ta’limnen orta ta’limge o’tiwdegi qiyinshiliqlardi u’yreniw ushin (Prixojan A.M. á9hń), qa’nigelestirilgen mekteptegi ta’limnin’ quramalasqan formalarina maslasiw protsesinde o’spirimlerde o’z – o’zin an’lawdin’ qa’liplesiwine ta’n o’zgesheliklerdi u’yreniw ushin (Snegireva T.V. á9wh), orta arnawli ha’m joqari oqiw orinlari sha’rayatlarina maslasiwdin’ individual o’zgesheliklerin u’yreniw ushin (Osnitskiy A.K. á99ǵ) oqiwshilardin’ tu’rli toparlarinda sinap ko’rilgen.
Metodikadan paydalaniw protsesi soni ko’rsetedi, ol tiykarinan o’spirimler ushin mo’lsherlengen. Biraq ol kishi o’spirimler menen islewdede na’tiyjelerin beriwi mu’mkin.
Metodika tiykarin quraytug’in insannin’ sotsialliq ortaliq ha’m o’z – o’zine bolg’an mu’na’sibeti modeli o’z – o’zinde rawajlanatug’in, o’z minez – qulqi ushin juwap beriwge qadir sub`ekt sipatinda shaxs kontseptsiyasinan kelip shig’adi. Shkala á0á hu’kmnen ibarat bolip, olardin’ qw si shaxstin’ sotsial – psixologiyaliq maslasqanliq o’lshemlerine muwapiq keledi (bul o’lshemler ko’p ta’repten shaxs jetikligi o’lshemlerine mas kelip, olar arasinda o’z qa’dirin biliw ha’m o’zgelerdi hu’rmet qiliwg’a qa’dirlik, xizmet ha’m mu’na’sibetlerdin’ real a’meliyati ushin ashiqliq, o’z mashqalalarin tu’siniw ha’m olardi sheshiwge umtiliw siyaqlilar bar). Keyingi qw hu’kim maslaspag’anliq o’lshemlerine tiyisli (o’zin ha’m basqalardi qanday bolsa sondaylig’insha qabil ete almasliq, shaxsiy ta’jiriybe u’stinde pikir ju’ritiwde «tosiqlar»din’ barlig’i, mashqalalardan qashiw, psixikaliq protsesslerdin’ mortlig’i siyaqlilir). Qalg’an ǵw biyta’rep hu’kimnin’ bir bo’limi jalg’an shkalasin quraydi.
Tu’sindirme: Sorawnamag’a insan, onin’ turmis ta’rizi: keshirmeleri, pikirleri, a’detleri, minez – quliq uslubi haqqindag’i hu’kimler kirgizilgen. Olardi o’z turmis ta’rizimiz benen salistiriw mu’mkin.
Ha’r bir hu’kimdi oqip, o’z a’detlerin’izge, turmis ta’rizin’izge salistirin’ ha’m bul hu’kim Sizge qay da’rejede ta’n ekenligin bahalan’. Bunin’ ushin juwap betindegi «0» den «ú» g’a shekemgi bolg’an w bahadan, pikirin’izge ko’re, muwapiq kelgen birewin tan’lan’.