Ўзбекистон алоқа ва ахборотлаштириш агентлиги

2. Laboratoriya ishini bajarish uchun topshiriq:
2.1. Mikrosxemaning uzatish va kirish xarakteristikalarini o‘lchash.
2.1.1. K155LA3 mikrosxemada mavjud to‘rtta 2 YoKI - EMAS elementlarning ixtiyoriy biridan foydalanib, 14.3 – rasmda keltirilgan sxemani yig‘ing (misol tarikasida bir sxemaning chiqishlari tartibi keltirilgan).

14.3 – rasm. O‘lchash sxemasi.
IMS kirishlaridan biriga kirish kuchlanishi bering, ikkinchisiga (ishlatilmayotgan) esa manbaning “+” qutbini ulang. E₁ kirish kuchlanishini 0÷5 V oralig‘da o‘zgartirib borib kirish I_kir =f(U_kir) hamda uzatish xarakteristikasini U_chiq=f(U_kir) o‘lchang. O‘lchash natijalarini 14.1 -jadvalga kiriting.
14.1 – jadval.

Ukir, V	0	0,5	1	1,5	2	2,5	3	3,5	4	4,5	5
Ikir, mA
Uchiq, V

2.1.2. U_kir =U⁰ ≈ 0,4 V bo‘lganda va U_kir =U¹ 2,4 V bo‘lganda mos ravishda iste’mol I⁰_ist. va I¹_ist. toklarini o‘lchang (U⁰ va U¹ sath qiymatlari pasport ko‘rsatmalaridan olinadi).

2.2. Mikrosxema yuklama qobiliyatini o‘lchash.
Oldingi bandda tadqiq etilgan sxemadan foydalaning. IMS kirishiga pasport ko‘rsatmasidagi mantiqiy nol qiymatini U_kir=0,4 V bering. IMS chiqishiga yuklama qarshiliklari: R_Yu=56kOm,10kOm, 1 kOm, 470 Om, 100 Om berib, yuklama chiqish xarakteristikasini U_chiq=f(R_Yu) o‘lchang. O‘lchash natijalarini 14.2 -jadvalga kiriting.
14.2 – jadval.

Ryuk, kOm	0,1	0,47	1	10	56
Uchiq, V

2.3. Mantiqiy mikrosxema tezkorligini tadqiq etish.

14.4 – rasmda keltirilgan sxemani yig‘ing. O‘lchashni osonlashtirish maqsadida hamda kechikish vaqtini uzaytirish maqsadida to‘rtta mikrosxema ketma – ket ulangan (olingan natijani to‘rtga bo‘lish kerakligi yoddan ko‘tarilmasin).
Kirish (A nuqta) va chiqish (V nuqta) ga ossilografni ulang. Bu vaqtda IMS chiqishiga ossilograf pultida o‘rnatilgan kuchlanish bo‘luvchisi 1:10 orqali ulanishi kerak. Bu holat ulanish kabeli sig‘imi va ossilograf ta’sirini 10 marotabaga kamaytirishga imkon beradi. (Kirish zanjiri past qarshiliklili bo‘lgani uchun, bu yerda bu xolat talab etilmaydi).
Kirishga amplitudasi 5 V va chastotasi 1 kGs bo‘lgan to‘g‘ri burchakli impulslar beriladi. Oldi va orqa frontlarning kechikish vaqtlarini (t^0,1_kech , t^1,0_kech) aniqlang.

14.4 – rasm. O‘lchash sxemasi.