Zbekiston respublikasi milliy gvardiyasi harbiy-texnik instituti

2-§. Jinoiy javobgarlik kelib chiqadigan yosh
JK 17-moddasi 1-qismi holatiga ko‘ra, shaxs qonunda belgilangan 
yoshga yetmay turib jinoiy qilmish sodir etgan bo‘lsa, bu holda shaxs 
jinoiy javobgarlikka tortilishi mumkin emas, shuningdek, jinoyat subyekti 
bo‘lib ham hisoblanmaydi. 
235 

---

Yosh deganda, u yoki bu shaxsning alohida psixofiziologik holatini 
tavsiflovchi, tibbiy-biologik, ijtimoiy psixologik va huquqiy o‘zgarishlar 
bilan aloqador bo‘lgan davrning o‘tishi tushuniladi. 
Jinoyat qonunchiligi yosh to‘g‘risida hech qanday maxsus normalarni 
aks ettirmaydi, u faqat agar shaxs qandaydir jinoyat sodir etgan bo‘lsa, 
jinoiy javobgarlik necha yoshdan kelib chiqishini ko‘rsatadi xolos. Yosh 
tushunchasini jinoyat huquqi belgilaydi. 
NOTA BENE ! 
Yosh deganda, u yoki bu shaxsning alohida psixo-fiziologik holatini 
tavsiflovchi, tibbiy-biologik, ijtimoiy psixologik va huquqiy o‘zgarishlar 
bilan aloqador bo‘lgan, tug‘ilishdan to inson hayotining qandaydir 
xronologik muddatigacha o‘tgan vaqtning kalendar davri tushuniladi. 
Boshqacha so‘z bilan aytganda, yuridik adabiyotlarda yosh 
subyektning yuridik belgisi sifatida insonning tug‘ilishidan to jinoyat sodir 
etishigacha bo‘lgan vaqtning miqdori bilan aniqlanadi
1
. 
Umumiy qoidalarga ko‘ra, sodir etilgan jinoyat uchun javobgarlik 
shaxs 16 yoshga to‘lganda vujudga keladi. Voyaga yetmagan shaxs 
ijtimoiy ongining yetarli darajasi o‘z xulqini jamiyatda o‘rnatilgan 
qoidalarga moslashtirishni talab qilish imkonini beradi, shuning uchun 
voyaga yetmaganlar sodir etgan jinoyatlari uchun javobgarlikka 
tortilishlari mumkin. Faqat JK 17-moddasi 2, 3 va 4-qismlarida 
ko‘rsatilgan maxsus jinoyat tarkiblari uchungina javobgarlik 13, 14 yoki 
18 yoshdan vujudga keladi.
Yosh chegarasini belgilashga bunday xususiy yondashuv shu bilan 
izohlanadiki, umumiy jinoyat yoshidan farqli ravishda ba’zi og‘ir va o‘ta 
og‘ir jinoyatlar uchun jinoiy javobgarlik vaqtliroq vujudga keladi. 
Xususan, JK 17-moddasi 2-qismiga ko‘ra, og‘irlashtiruvchi 
holatlarda qasddan odam o‘ldirish (JK 97-moddasi 2-qismi) jinoyati uchun 
1
См. подробнее: Коченов М.М. Теоретические основы судебно-психологической экспертизы. Автореф. дис. 
…докт психол. наук. – М.: 1991. – С. 34; Боровых Л.В. Проблема возраста в механизме уголовно-правового 
регулирования. Автореф. дис. …канд. юрид. наук. – СПб.: 1993. – С.8; Щукина Г.И. Возрастные особенности 
школьника. – Л.: 1995. – С. 3; Михеев Р.И. Проблемы вменяемости, вины и уголовной ответственности (Теория 
и практика). Автореф. дис. …докт юрид. наук. – М.: 1995. – С. 17. 
236 

---

javobgarlik 13 yoshdan vujudga kelishi mumkin. JK 17-moddasi 3-qismi 
ijtimoiy xavfli qilmish sodir etgunga qadar 14 yoshga to‘lgan shaxsni 
jinoiy javobgarlikka tortish mumkin bo‘lgan jinoyatlarning aniq 
chegarasini o‘rnatgan. 
Shaxs jinoiy javobgarlikka tortiladigan yosh haqidagi umumiy 
qoidalardan istisno, ya’ni 13 yoshdan 16 yoshgacha shaxslar jinoyat 
subyekti bo‘lishi mumkin bo‘lgan jinoyat tarkibi shunday zaruratdan kelib 
chiqqanki, berilgan jinoyat tarkiblari ijtimoiy xavfi yuqori bo‘lgan 
jinoyatlarni tavsiflaydi. Ular og‘irlashtiruvchi holatlarni nazarda tutadigan, 
kvalifikatsiya qilinadigan yoki alohida kvalifikatsiya qilinadigan jinoyat 
tarkiblarini o‘z ichiga oladi. Bundan tashqari, JK 17-moddasi 2- va 3-
qismida sanab o‘tilgan jinoyatlar ikki obyektga tajovuz qiluvchi murakkab 
tarkibli jinoyatlar hisoblanadi yoki tajovuzni amalga oshirish aybning 
murakkab shaklini tashkil etuvchi qandaydir ijtimoiy xavfli oqibatlar 
keltirib chiqaradi yoki bu obyektlarga tajovuz boshqa mustaqil jinoyatni 
sodir etish orqali amalga oshiriladi. Masalan, o‘smir 15 yoshida ommaviy 
tartibsizliklarda (JK 244-moddasi) ishtirok etsa, uni bu norma orqali 
javobgarlikka tortish mumkin emas, chunki bu jinoyat uchun javobgarlik 
16 yoshdan vujudga keladi. Shu bilan birgalikda, ommaviy tartibsizliklar 
Jinoyat kodeksining boshqa moddalarida ko‘rsatilgan shaxsga qarshi 
zo‘ravonlik harakatlari, bosqinchilik, o‘t qo‘yish, mulkka zarar yetkazish 
yoki yo‘q qilish hamda boshqa harakatlar bilan kuzatiladi hamda ular 
uchun javobgarlik 14 yoshdan belgilangan. Bundan kelib chiqadiki, o‘smir 
qanday faktik harakatlar sodir etganidan qat’i nazar, uning harakatlari shu 
normalar orqali kvalifikatsiya qilinishi kerak. 
Ko‘rsatib o‘tilgan yoshning minimal chegarasi (13 va 14 yosh) qonun 
chiqaruvchi tomonidan, jinoyat qonunida belgilangan yoshga yetguniga 
qadar, shaxs JK bilan taqiqlangan u yoki bu qilmishining ijtimoiy xavfli 
ekanligini anglashi, o‘z irodasini, o‘z jinoiy xatti-harakatlarini sodir 
etishning birinchi damlaridayoq nazorat qilish qobiliyatiga ega bo‘lishidan 
dalolat beruvchi shaxsning psixologik va ijtimoiy rivojlanish 
237 

---

xususiyatlarini, shuningdek, kriminologik mezonlarini
1
hisobga olgan 
holda o‘rnatiladi.
Ba’zi hollarda esa shaxs jinoiy javobgarlikka faqat voyaga 
yetganidagina tortiladi
2
. Jumladan, JK 17-moddasi 4-qismi javobgarlikni 
18 yoshdan belgilagan. 
Bir qancha jinoyatlar muayyan bir sohadagi ijtimoiy munosabatlarga 
tajovuz qilib, ularning subyektlari faqatgina 18 yoshga to‘lgan shaxslar 
bo‘lishi mumkin. Bunday holatda gap jinoyat subyekti faqat voyaga yetgan 
shaxslar bo‘lishi mumkin bo‘lgan jamoat tartibiga qarshi jinoyatlar, harbiy 
jinoyatlar va boshqa jinoyatlar haqida ketyapti. JK 17-moddasi 4-qismida 
ko‘rsatilgan ko‘pgina jinoyat tarkiblari aybdor shaxsning kasbiy yoki 
xizmat faoliyati bilan yoki normativ-huquqiy aktlardan to‘g‘ridan-to‘g‘ri 
kelib chiqadigan majburiyatlar bilan u yoki bu tarzda bog‘liq. Xususan, 
voyaga yetmagan va mehnatga layoqatsizlarni ta’minlashdan bo‘yin 
tovlash (JK 122-moddasi) yoki aksincha, ota-onasini moddiy 
ta’minlashdan bo‘yin tovlash (JK 123-moddasi) jinoyat turlari uchun 
jinoiy javobgarlik aybdor shaxsning O‘zbekiston Respublikasi 
Konstitutsiyasi 64- va 66-moddalari
3
ko‘rsatmalaridan kelib chiqadigan 
1
Уголовный кодекс Республики Узбекистан: научно-практический комментарий. / А.С. Якубов, М.Х. 
Рустамбаев и др.; отв. ред. А.С. Якубов. – Т.: Адолат, 1996 (автор Раздела – А.С. Якубов). – С. 36. 
2
Қаранг: Ўзбекистон Республикасининг Фуқаролик кодекси, 22-модда. 
3
Ўзбекистон Республикасининг Конституцияси: Ўн иккинчи чақириқ Ўзбекистон Республикаси Олий 
Кенгашининг ўн биринчи сессиясида 1992 йил 8 декабрда қабул қилинган. (2002 йил 27 январда ўтказилган 
умумхалқ референдуми натижаларига кўра ҳамда унинг асосида Ўзбекистон Республикасининг 2003 йил 24 
апрелда қабул қилинган Қонунига мувофиқ Ўзбекистон Республикасининг Конституцияси XVIII, XIX, XX, 
XXIII бобларига ўзгартиришлар ва қўшимчалар қиритилган. Ўзбекистон Республикасининг 2007 йил 11 
апрелда қабул қилинган Қонуни билан Ўзбекистон Республикасининг Конституцияси 89-моддасига, 93-
моддасининг 15-бандига, 102-моддасининг иккинчи қисмига тузатишлар киритилган. Ўзбекистон 
Республикасининг 2008 йил 25 декабрда қабул қилинган Қонуни билан Ўзбекистон Республикасининг 
Конституцияси 77-моддасининг биринчи қисмига ўзгартириш киритилган. Ўзбекистон Республикасининг 2011 
йил 12 декабрда қабул қилинган Қонуни билан Ўзбекистон Республикасининг Конституцияси 90-моддасининг 
иккинчи қисмига тузатиш киритилган. Ўзбекистон Республикасининг 2014 йил 16 апрелда қабул қилинган 
Қонуни билан Ўзбекистон Республикасининг Конституцияси 32, 78, 93, 98, 103 ва 117 моддаларига ўзгартиш ва 
қўшимчалар киритилган. Ўзбекистон Республикасининг 2017 йил 6 апрелда қабул қилинган Қонуни билан 
Ўзбекистон Республикасининг Конституцияси 80-моддасининг 4-бандига, 81-моддасининг еттинчи қисмига, 
83-
моддасига, 93-моддаси биринчи қисмининг 13 ва 14- бандларига, 107-моддасининг биринчи қисмига, 110-
моддасининг биринчи ва учинчи қисмларига, 111-моддасига ўзгартишлар ва қўшимча киритилган. Ўзбекистон 
Республикасининг 2017 йил 31 майда қабул қилинган Қонуни билан Ўзбекистон Республикасининг 
Конституцияси 80-моддасининг 5 ва 12-бандларига, 93-моддаси биринчи қисмининг 13-бандига ҳамда 108, 109-
моддаларига ўзгартишлар киритилган. Ўзбекистон Республикасининг 2017 йил 29 августда қабул қилинган 
қонуни билан Ўзбекистон Республикасининг Конституцияси 99 ва 10-моддаларига ўзгартишлар киритилган.) – 
Т.: “Ўзбекистон”, 2017. -21, 23 б. 
238 

---

majburiyatlari yoki harbiy xizmat fuqarolarning voyaga yetishi bilan 
o‘tashi kerak bo‘lgan majburiyati
1
hisoblanadi. Bunday holatlar 
buzilishining zaruriy sharti shaxs 18 yoshga to‘lganidagina bo‘lishi 
mumkin.