Ishlab chiqarishning texnologik tayyorgarligi bo‘yicha ishlarni bajarish paytida buyum konstruktsiyasi texnologikligining 2 turi farqlanadi - ishlab chiqarish texnologikligi va foydalanish texnologikligi.
Konstruktsiyaning ishlab chiqarish texnologikligi, ishlab chiqarishning loyihaviy va texnologik tayyorgarligiga sarflanadigan mablag‘ va vaqtning qisqarishida, shuningdek, ishlab chiqarish siklining uzunligida namoyon bo‘ladi.
Buyum konstruktsiyasining foydalanish texnologikligi buyumga texnik xizmat ko‘rsatish va ta'mirlashga sarf bo‘ladigan mablag‘ va vaqtning qisqarishida namoyon bo‘ladi.
Konstruktsiya texnologikligining bahosi 2 turda bo‘lishi mumkin: sifat va miqdoriy.
Sifat bo‘yicha baholash konstruktsiyasining texnologikligini umumlashgan holda bajaruvchining tajribasiga asoslanib tavsiflaydi. Konstruktsiya variantlarini sifat bo‘yicha solishtirma baholashga eng yaxshi konstruktiv yechimni tanlash amalga oshirilganda solishtirilayotgan variantlar texnologikligi farqlari darajasini aniqlash talab qilinmasa, loyihalashtirishning barcha bosqichlarida yo‘l qo‘yiladi.
Buyumni loyihalashtirish jarayonida konstruktsiya variantlarini solishtirishda sifat bo‘yicha baholash miqdoriy baholashdan oldin keladi va uning maqsadga muvofiqligini aniqlaydi.
Buyum konstruktsiyasi texnologikligini miqdoriy baholash qiymati konstruktsiya texnologikligiga qo‘yiladigan talablarni qanoatlantirish darajasini tavsiflaydigan ko‘rsatkichda ifodalanadi.
Miqdoriy baholash faqatgina ko‘rib chiqilayotgan konstruktsiyasining texnologikligiga sezilarli ta'sir ko‘rsatadigan alomatlarga bog‘liq bo‘lgan holda maqbul hisoblanadi.
Texnologiklik turlari, konstruktsiyasining texnologikligiga qo‘yiladigan talablarni aniqlovchi bosh omillar, uni baholash turlari grafik holatda 2.1-rasmda keltirilgan.
Nazorat savollari
Buyum konstruksiyasi texnologikligining mazmuni nimada ?
Buyum konstruksiyasi texnologikligini qaysi ko‘rsatkichlar tavsiflaydi?
Buyum konstruksiyasini texnologiklikka sinovdan o‘tkazish qanday masalani hal qiladi?
Buyum konstruksiyasi texnologikligining qanday turlarini bilasiz?
Buyum konstruksiyasining texnologikligi qanday baholanadi?
4-AMALIY MASHG‘ULOT. TEXNIK HUJJATLARNI METROLOGIK EKSPERTIZASINING MAZMUNI. Reja:
