Zərİf məqamlar (Böyük Rəhbər Ayətullah Xameneinin 1979-2004-cü illərdə müəllim və tələbələr qarşısında çıxışlarından seçmələr) Beşinci cild Tərtib edən: Həsən Qüddusizadə Çevirən: Maqsud Əzizoğlu Birinci fəsil

Əlavə 6: Ana olmaq şərəfi

Cesika Anderson⁹²

Xanım Rozi cavan bir qadın simvoludur. Havard Miller tərəfindən çəkilmiş qolları çırmanmış rəsmində o, 1940-cı illərdə evlərinin ənənəvi prinsipini sındırmaq üçün çoxlu Amerika qadınlarının ilham mənbəyinə çevrilmişdi. Onlar əvvəllər kişilərə aid olan peşə və sənətləri öhdələrinə götürdülər. Bu kişilər İkinci dünya müharibəsində döyüşə cəlb edilmiş, yaxud könüllü surətdə müharibəyə yollanmışdılar.

Rozinin “Biz qadirik!” şüarı qadınların çoxunun ruhunu, canını və röyasını istismar etdi. Onlar iş bazarına daxil oldular və gözlənilmədən yaranmış geniş peşə imkanlarını sınaqdan keçirdilər. O zamandan indiyədək qadınlar həm təhsil, həm də sənət və peşə sahəsində iri addımlar atmışlar. İndi onların ixtiyarında olan fəaliyyət dairəsi sonsuzdur.

Bu gün qadınlar kişilərə nisbətən daha çox bakalavr və magistr dərəcələri alırlar. Doktorluq dərəcələrinin və iş yerlərinin təqribən yarısı onlara aiddir. Bundan hasil olan nəticələrin müsbət olmasına baxmayaraq, təəssüflü haldır ki, qadın gücünə və peşə sitayişi mədəniyyətinə təkid göstərmək bəzi yanlış təsəvvürlərin yaranmasına səbəb olmuşdur. Bu yanlış təsəvvürlər səbəbindən qadınların çoxu başqa rolu, yəni analığı qəbul etməyin dəyər və üstünlüklərinə diqqətsiz yanaşmışlar.