Zərİf məqamlar (Böyük Rəhbər Ayətullah Xameneinin 1979-2004-cü illərdə müəllim və tələbələr qarşısında çıxışlarından seçmələr) Beşinci cild Tərtib edən: Həsən Qüddusizadə Çevirən: Maqsud Əzizoğlu Birinci fəsil

Əlavə 5: Qadınlar - media şiddətinin qurbanları

“Media Skop” qrupu

ABŞ Humanitar Xidmətlər İdarəsi şiddəti son on ildə qadınların ən əsas problemi kimi elan etmişdir. Yeni tədqiqatlar da uyğun böhranın artmasından xəbər verir. Aşağıda göstərilən statistikalar bu məsələnin müxtəlif cəhətlərini daha yaxşı göstərir:

1. ABŞ daxilində zorakılıq, amerikalı qadınlara zərbə vuran ən aydın və ən ümdə amildir. Kobud təcavüzlərin, cinayətkar zorakılıqlarının, qətl və qarətlərin günbəgün artması bunun nümunələrindəndir;

2. Hər yeddi amerikalı qadından biri həyatı boyu təcavüzə məruz qalır;

3. Hər iki dəqiqədə bir amerikalı qadına təcavüz olunur;

4. Hər doqquz saniyədə bir amerikalı qadın fiziki xəsarət alır;

5. Əldə olan məlumatlara əsasən, Amerika qadınlarının üçdə biri həyatının hansısa dönəmində həyat yoldaşı, yaxud oğlan dostu tərəfindən fiziki xəsarət alıb, yaxud cinsi cəhətdən sui-istifadə olunub;

6. Birləşmiş Ştatlarda qətlə yetirlən qadınların 30 faizi həyat yoldaşının, keçmiş həyat yoldaşının, yaxud oğlan dostunun əli ilə öldürülənlərdir.

Bəlkə də qadınlar əleyhinə zorakı cinayətləri sadə və aydın şəkildə sıralamaq mümkün deyil. Amma bu qədər məlumdur ki, bu sahədə həlledici amillərdən biri qadınların KİV-dəki təqdimatıdır. Qadınlar mediada çox vaxt şiddətin qurbanları və cinsi təcavüz obyekti kimi təqdim olunurlar. Tədqiqatçılar bu nəticəyə gəlmişlər ki, qadınların bu növ təsviri cəmiyyətin qadınlara qarşı düşüncə tərzində və rəftarında (mənfi) təsirlər buraxır. Filmlərin, televiziyanın, musiqinin və kompüter oyunlarının məzmunu qadınların, cinsi ehtiyacı təmin edən, zorakı səhnələri göstərən və zorla yanaşı olan cinsi münasibətləri təsvir edən bir alət olduğunu vurğulayır.

Qadınları aşağılayan belə görüntülər həmişə tənqid edilmişdir. Tədqiqatçıların qırx ildən artıq sürən elmi araşdırmaları göstərir ki, mediada göstərilən zorakılıqlar aqressiv rəftar və reaksiyaların formalaşmasında birbaşa təsirlidir.

Əldə olan çoxsaylı faktlara əsasən, media yayımlarında qadına mənfi baxış onların gündəlik həyatına təsir göstərir. Televiziya və kinoteatrlarda nümayiş etdirilən zor səhnələri üzərində aparılan tədqiqatlar göstərir ki, aqressiv məzmunlu və cinsi təhqirli iki filmə baxdıqdan sonra insanın sentimental duyğuları kor olur. Həmçinin araşdırmalar sübut edir ki, qadınlara qarşı cinsi təhqir və təcavüz səhnələrini müşahidə edən kişilər şiddətin bu qurbanlarına qarşı çox nadir hallarda öz duyğularını ifadə edirlər.