Fakultə: Magistratura və Doktorantura İxtisas

Bakı 2021

Azərbaycan Respublikasının Təhsil Nazirliyi

Azərbaycan Dövlət Pedaqoji Universiteti



Fakultə: Magistratura və Doktorantura

İxtisas: Məktəbəqədər təlim və tədrisin metod və metodologiyası

Fənn: Müasir pedaqoji texnologiyalar və idrakın inkişafı

Mövzu: Pedaqoji texnologiyalarda innovasiyalar

Müəllim: p.ü.f.d., dos. Pərişan Həsənova

Tələbə: Şəhran Qurbanova

Plan

1.Giriş...................................................................................................................3

2.Pedaqoji texnologiyalarda innovasiyaların mahiyyəti..............................................................................................................4

3.Pedaqoji sistemin optimallaşdırılması..............................................................6

4. İnnovasiyaların obyektini müəyyənləşdirən problemlər.................................7

5.Pedaqoji innovasiyaların növləri......................................................................9

6.Nəticə...............................................................................................................12

7.Ədəbiyyat siyahısı............................................................................................13

1.GİRİŞ

İnnovasiya ingiliscə “innovation”, latınca “innovato” sözlərindən götürülüb, mənası yenilik, yenilənmə, yaxşılaşma deməkdir. Ümumən innovasiya yüksək səmərəlilik və tərəqqi məqəsdilə yeniliyin tətbiqi , başqa sözlə insanın intellektual fəaliyyətinin, kəşfinin , ixtirasının son nəticəsinin və ya təkmilləşdirilmiş formasının cəmiyyətə təqdim edilməsidir. İnnovasiya dedikdə təlim,təhsil-tərbiyə prosesinin gedişini və nəticələrini yaxşılaşdırmaq məqsədilə həyata keçirilən yeniliklər nəzərdə tutulur. İnnovasiya ,yəni yenilik pedaqoji sistemin daxili ehtiyatları hesabına ( in- daxili deməkdir ) baş verir.

Geniş mənada innovasiya elmi-texniki, intellektual potensialı səfərbər edərək, səmərəliliyi və digər iqtisadi fərqlənmələrə nail olmanı əhatə edən tədbirlər sistemidir. Texnologiya istehsalı sferasında və idarəetmədə yeniliyi ifadə edən latın mənşəli isim kimi innovasiya yeniləşmə mənasında şərh olunur. Məqsədyönlü, dəqiqləşdirilmiş, kollektiv nəticənin məhsulu olaraq innovasiyanın məramı daha çox praktiki tətbiq səciyyəlidir, iqtisadi inkişafın ölçüsü artdıqca innovasiya anayışı daha məzmunlu əhəmiyyət kəsb edir. İnnovasiya əvvəllər yalnız texnologiya sferası ilə məhdudlaşırdısa, müasir zamanda o, istehsal idarəetməsinin təşkilati metodlarını da əhatə dairəsinə qatmışdır.

Plana uyğun olaraq, ilk olaraq müxtəlif ədəbiyyatlar əsasında pedaqoji texnologiyalarda innovasiyanın mahiyyətini, pedaqoji sistemin optimallaşdırılmasını ,onun obyektini müəyyənləşdirən problemləri ,daha sonra isə pedaqoji innovasiyaların növlərini qarşılıqlı şəkildə təhlil etməyə çalışacagıq.