Mavzu: Qadimgi Misr madaniyati Reja

Mavzu:Qadimgi Misr madaniyati
Reja:

1. 
   Qadimgi sharq tsivilizatsiyasi.
   
2. 
   Misrshunoslik fanining rivojlanishi.
   
3. 
   Qadimgi podsholik davridagi Misr (er.av. XXIII - XVIII asrlar).
   
4. 
   Yangi va so‘ngi podsholik davrida Misr davlati (er.av.XVI-XII asrlar).
   
5. 
   Qadimgi Misr madaniyati.
   

Tavsiya etiladigan adabiyotlar

1. 
   Worlds Together,Worlds Apart. W.W. Norton.& COMPANY.New York. 2011.95-115 pages
   
2. 
   Ладынин И. А. и др. История древнего мира: Восток, Греция, Рим.
   
3. 
   «Слово», «ЭксмоЭ-М., 2004. Стр. 45-63
   
4. 
   Rajabov R. Qadimgi dunyo tarixi. “Fan va texnologiya” nashryoti. T., 2009.
   
5. 
   Картелл Л. Во времени фараонов. M.,1982. Стр. 77-98
   
6. 
   Берлов О. Д. Общественнее отношение а Египте эпохи Среднего царства. M., 1978. Стр. 34-79
   
7. 
   Савельева Т.Н. Аграрный строй Египте в период Древнего царства. M., 1962. Стр. 23-64
   
8. 
   Дэвид Р. Древний Египет (энциклопедический справочник) М.; Вече,Университет Манчестера, 2008. стр
   
9. 
   Коростовцев М.А. Религия древнего Египта. M., 1976.стр. 99-134
   
10. 
    Культура Древнего Египта. M., 1976. Стр. 87-93
    
11. 
    Повесть о Петеисе III Древне египтская проза. Пер. M.A. Коростевцева.
    

1978. стр. 64-88

12. 
    Самуэль Хук. Мифология Ближнего Востока. М. 2005. 77-89
    

1. Misr madaniyatining o`ziga xos xususiyatlari. Qadimgi misrliklar tuzilishi bo`yicha murakkab, mazmunan boy madaniyat yaratdilar. Bu madaniyat ko`pgina Yaqin Sharq xalqlarining madaniy taraqqiyotiga hayotbaxsh ta’sir ko`rsatdi.
Nil vodiysining g’aroyibotlari Mesopatamiya va Hind vodiylaridan farqlanib turadi. Bundan 2500 yil oldin yunon tarixchisi va geogrifi Gerodot Misr Nilning tuxfasiligini va uning uzunligi dunyoning ko’pgina alohida geografik asosi ekanligini eslatib o’tgan. ¹
Misr madaniyati to`rt ming yil davomida shakllandi. Qadimgi Misr madaniyatining taraqqiyotini nima belgiladi? Birinchi navbatda, Qadimgi Misr ijtimoiy-iqtisodiy taraqqiyotining o`ziga xos xususiyatlari, Nil vodiysining o`zlashtirilishi, dehqonchilikning oqilona tashkil qilinishi, umummisr iqtisodining yuksak taraqqiyoti madaniy o`sishning moddiy asosini yaratdi. Shu bilan birga, madaniyat sohasidagi yutuqlar ta’lim, fan, qadimgi misrliklarning umumiy ma’naviy taraqqiyotining yuksalishi bu ijtiomiy-iqtisodiy taraqqiyot va davlatni takomillashtirishning asosiy sabablaridan biri bo`ldi.
Qadimgi Misr madaniyatida qator o`ziga xos xususiyatlar borki, bu madaniyatni chuqur takrorlanmas tizimini hosil qiladi. Uning o`ziga xosligi va takrorlanmasligi sinfiy jamiyat va davlatning kelib chiqishi hamda Nil vodiysining yopiq geografik joylashuvi natijasida boshqa xalqlarning madaniy yutuqlarini o`zlashtirishning qiyinligi bo`ldi. Nil vodiysining tabiiy sharoiti butun Misr madaniyatida chuqur iz qoldirdi. Xo`jalik hayotida Nil daryosining yetakchi o`rni, dengizdan uzoqlik, Nilni o`rab turgan jonsiz sahro, o`zining qumli bo`ronlari, jazirama issig`i, yirtqich hayvonlari bilan qadimgi Misr dunyoqarashi va diniy e’tiqodi, qadriyatlarining butun tizimi xususiyatini belgiladi.
Fir’avnning kuchli hokimiyati orqali tashkil qilingan umumjamoa mehnati bilan misrliklar qulay hayot uchun shart-sharoit yaratdilar. Shu bois, tabiatning dahshatli kuchlari oldidagi qo`rqinch, fir’avnning qudratli hokimiyati, dahshatli xudolar, ularning ulug`vorligi va qudrati qadimgi misrliklarning dunyoqarashiga singib ketgan edi. Oddiy odamlar qudratli xudolar va yanada qudratli fir’avnlar, ularning amaldorlari oldida o`zlarining juda zaifligi va kuchsizligini his qilganlar.
Misr madaniyatiga chuqur konservatizm va an’anaviylik xos. Misrliklar o`zlarining madaniy qadriyatlar tizimiga biror-bir yangilik kiritishdan qochdilar. Aksincha, ularda o`zlariga ma’lum g`oya, qonun, badiiy uslublarni asrash va amaliyotga tadbiq qilish uzoq asrlar asosiy tamoyil bo`lib qoldi. Albatta, bu hol yangi unsur, g`oya va uslublarni inkor qilmadi, ammo ular asta-sekin paydo bo`ldi. Shu sababli, Misr ustalari doimo rioya qilgan an’anaviylik va konservatizm Misr san’ati uchun xos bo`lgan konseptuallik va yuqori malakalilik, mohirlik, uyg`unlikni o`zida aks ettirib, nihoyasiga yetkazib ishlangan. Bu sof Misr qonun va obrazlarining yaratilishiga olib keldi.