Mehrinoz abbosova men yoshlikman
Yüklə 0,72 Mb. Pdf görüntüsü
|
- Bu səhifədəki naviqasiya:
- Men yoshlikman
- O‘ZBEKISTONIM
- FEVRAL SHE’RI
|
1 Men yoshlikman MEHRINOZ ABBOSOVA MEN YOSHLIKMAN She’rlar TOSHKENT
«ADIB» NASHRIYOTI 2011 YIL
www.ziyouz.com kutubxonasi 2 Mehrinoz Abbosova ÓÄÊ: 821.512.133-1 ÁÁÊ: 84 (5¡)6
Abbosova, Mehrinoz Men yoshlikman: she’rlar /M. Abbosova. –T.: “ADIB” nashriyoti, 2011. -64 bet. ÓÄÊ: 821.512.133-1 ÁÁÊ: 84 (5¡)6 ISBN 978-9943-317-44-4 ©«ADIB» nashriyoti, 2011 © M. Abbosova, 2011 À12
À12 ISBN 978-9943-317-44-4 www.ziyouz.com kutubxonasi
3 Men yoshlikman EZGU AN’ANA Yurtimizning turli hududlarida yashab, she’r va hikoyalar mashq qilib kelayotgan, adabiyot ostonasiga o’zlarining ilk qadamlarini qo‘yayotgan iqtidorli yoshlarimiz minglab topiladi. Bugun boshlovchi misralar yozib, tahririyatlarga yoki ustoz adiblar qoshiga iyma- nibgina borayotgan bu yigit-qizlar ertangi kunimizning taniqli yozuvchi va shoirlariga aylansa, ajab e mas. Muhtaram Yurtboshimizning "Adabiyotga e’tibor - ma’naviyatga, kelajakka e’tibor" nomli risolasida "agar biz O‘zbekistonimizni dunyoga tarannum etmoqchi, uning qadimiy tarixi va yorug‘ kelajagini ulug‘lamoqchi, uni avlodlar xotirasida boqiy saqlamoqchi bo‘lsak, avvalambor buyuk yozuvchilarni, buyuk shoirlarni, buyuk ijodkorlarni tarbiyalashimiz kerak", degan fikr asosiy maqsad-muddaolardan biri sifatida alohida ta’kidlangani bejiz e mas. Bugungi barcha g'amxo'rlik va e'tibor ana shu maqsad ro'yobiga qaratilgan. Mamlakatimiz mustaqillikka erishgan dastlabki kunlardanoq yoshlar siyosati eng birlamchi masala- lardan biriga aylandi. Mana, yigirma yildirki, ushbu muhim masala kun tartibidan tushgani yo‘q. Aksincha, yildan yilga yoshlar qatlamiga bo'lgan e'tibor ortib www.ziyouz.com kutubxonasi 4 Mehrinoz Abbosova bormoqda. Shu ma’noda, o‘tkir didli, badiiy saviyasi yuksak yosh ijodkorlarni tarbiyalash uchun yaratilgan bugungi sharoitlarni hech bir davr bilan qiyoslab bo'lmaydi. Ana shu yuksak e’tibor samarasi o‘laroq, o‘tgan 2010 yilda O‘zbekiston Yozuvchilar uyushmasi va "Ijod" jamoat fondi tomonidan bir guruh yosh shoir, yozuvchi, publisist va adabiyotshunoslarning ilk kitoblari nashr etilgani va barcha ta’lim muassasalariga bepul tarqatilganidan yurtdoshlarimiz yaxshi xabardor. Ezgu an'anaga aylanib ulgurgan "Birinchi kitobim" loyihasi doirasida bu yil ham badiiy adabiyotning turli yo‘na- lishlarida ijod qilib kelayotgan iste’dodli yoshlarning ilk kitoblari nashrga tayyorlandi. Ahamiyatli tomoni shundaki, bu ijodkorlar "Do‘rmon" ijod uyida o‘tkazilgan se minarlarda tanlab-saralab olindi, qo‘lyozmalar o‘sha joyning o‘zida - ustoz va shogirdlik an’anasi asosida qiyomiga yetkazildi. Qo‘lingizdagi mana shu kitob ham o‘sha mashaq- qatli va serzavq mehnatning mevasi, umidli yosh ijod- korning dastlabki qadamidir. www.ziyouz.com kutubxonasi
5 Men yoshlikman QO‘SHIG‘IM Manzilga eltmaydi mayda qadamlar, Mayda orzularga bermaylik qanot. Mayda gap-so‘zlarni qo‘ying, odamlar, Toki maydalashib ketmasin hayot. Mayda dardlardan ham asrangil, yurak, Katta she’riyatni sol dilistonga. Katta maqsad, katta qadamlar kerak Katta yo‘lga chiqqan O‘zbekistonga! www.ziyouz.com kutubxonasi 6 Mehrinoz Abbosova O‘ZBEKISTONIM Ruhim bilan senga kelmasam, Bu tan kechirmas. Seni tanimasam, bilmasam, Otam kechirmas. Yuragimga nur to‘kkan olam Kengga o‘xshaydi. Yo‘llarimga gul ekkan onam Senga o‘xshaydi. Sen mensiz ham guvlayverasan Misoli dengiz. Sen mensiz ham gullayverasan, Men — hech kim sensiz… O‘zbekistonim! www.ziyouz.com kutubxonasi
7 Men yoshlikman MUBORAKBOD “O‘zbekiston belgisi” ko‘krak nishoni sohiblariga Mana, ko‘ksingizda tole’ yulduzi, Yurakka nur sochib porlab turibdi. Buyuk kelajakka mas’ullik hissi, Sizni kamolotga chorlab turibdi. Mana, ko‘zingizda quvonch surati, Tuyg‘ular toshadi vujudga sig‘may. Turibsiz qalblarda yurt muhabbati, Vatanni quchoqlab, o‘pmoqlikka shay. Alqaylik gullagan Vatan ertasin, Buyuk qilayotgan ulug‘ insonni. Yashaylik mana shu nishon singari Yuraklarga qadab O‘zbekistonni. Yuraklarga qadab O‘ZBEKISTONni! www.ziyouz.com kutubxonasi
8 Mehrinoz Abbosova * * *
Mana men — yoshlikman, hech olmasman tin, Vatan, bir koringga kelar yaragim. Menga bor dardingni aytishing mumkin, Bugun jussamdan ham katta yuragim. Bola edim, yelkalab yurguvchi otam Kaftida avaylab, suyib o‘stirdi. Yiqilsam, qo‘limdan tutguvchi Vatan Suyanchig‘im bo‘lib, suyab o‘stirdi. Bunda shamollar ham mayin yeladi, Qaydan topgum bundoq Oftobistonni. Endi menga suyan, degim keladi, Shart bag‘rimga bosib O‘zbekistonni! www.ziyouz.com kutubxonasi
9 Men yoshlikman XITOB Bolasin avaylab suyar edi ko‘p, Tayyor turar doim borin bermakka. Ona yuvib-tarab tayinladi xo‘p, Dog‘ tushirmagin, deb oppoq ko‘ylakka. Bolakay unutdi, yubordi to‘kib Oppoq ko‘ylagiga anor donasin. So‘ng uyiga qaytdi biroz qo‘rqinib, Axir ranjitgandi aziz onasin. Ohu faryod urib qilmasdan nola, Ona jim yig‘ladi, yum-yum yig‘ladi. Boshqa qilmaslikka so‘z berdi bola, Jajji yurakchasi nedir ilg‘adi. Bu dog‘ aylanmasin vahshat qoniga, Xalqing — onang sendan shod bo‘lsin, tokay. Buyuk, pok millat-u Vatan sha’niga Dog‘ tushirmayman, deb so‘z ber, bolakay! www.ziyouz.com kutubxonasi 10 Mehrinoz Abbosova * * *
Menga har qachongidan Hurram ko‘rindi bu kuz, Ko‘ksimning chap yog‘ida Gullab ketdi bitta so‘z. Kecha tug‘ilgan toychoq, Bugun-chi, saman bo‘ldi. Yo‘lda ketar ekanman, Ko‘rganim chaman bo‘ldi. Tor va toshloq ko‘chalar Keng bugun, ravon bugun. Ko‘z yetmagan cho‘qqilar Oshilgan dovon bugun. Yarim yo‘llarda qolsin O‘z so‘zidan qaytganlar. VATANdek buyuk so‘zni Til uchida aytganlar. www.ziyouz.com kutubxonasi
11 Men yoshlikman * * *
Tuni bilan qon bo‘ldi bag‘ir, Ko‘ksimda hech chaqmadi chaqmoq. Shoir uchun judayam og‘ir Bo‘m-bo‘sh yurak bilan uyg‘onmoq. So‘nmasmikin ko‘zlarimdagi Tangrim yoqib qo‘ygan chiroqlar. Peshonamda tamg‘aday abad So‘roqlar, so‘roqlar, so‘roqlar. Har bir quvonchimda Vatan izi bor, Uning tole’ida men ham bormanmi. Har bir nafasimga Vatan daxldor, Men Vatanga daxldormanmi?! Yechim topmas ko‘ngil sirlarim. Evoh, har tong yoqamdan tutar Hali yozilmagan she’rlarim. www.ziyouz.com kutubxonasi
12 Mehrinoz Abbosova FEVRAL SHE’RI Laylakqor, yog‘aver, bermaysan xalal, Hislarim she’r bo‘lib kelar potirlab. Ko‘ksing aslo sovuq muz e mas, fevral, Bag‘ringdan chiqqan-ku ikki qaynoq qalb. Ul qaynoq qalblardan taft olib oqshom, Mashq yozurman bunda g‘ujg‘on yulduz-la. Qancha ash’orlarning guvohi, o sham, Hazrat Navoiydan, Boburdan so‘zla. Qalam tutib o‘yga-xayolga tolgan, Hikmat to‘la ko‘zlarini aytib ber. Dillaridan o‘tib, yozilmay qolgan, Minglab buyuk so‘zlarini aytib ber. Bu zamon o‘qimoq, uqimoq oni, Bo‘ylaylik she’riyat dovonlaridan. Kel, topaylik ikki buyuk siymoni Har bir baytlari-yu devonlaridan. Ul ikki dahoni o‘qiyapmizu, Mening ko‘zlarimda chaqnaydi quyosh. Ul ikki dahoni uqiyapmizu, Sening yuzlaringdan dumalaydi yosh. Jonida Navoiy quyoshi bor sham… Jismida Boburning ko‘z yoshi bor sham… www.ziyouz.com kutubxonasi 13 Men yoshlikman Yüklə 0,72 Mb. Dostları ilə paylaş:
|