Referat Tələbə: Şərifli Yusif Elmi rəhbər: Həsənova Pərvanə Baku-2022 Plan Giriş Ms word 2010 mətn redaktoru

Azərbaycan Respubikası Təhsil Nazirliyi

Bakı Biznes Universiteti

Fakültə: Biznes və menecment

İxtisas: İqtisadiyyat

Qrup: 2220

Kurs: 2

Fənn: İnformasiya kommunikasiya texnologiyaları

Mövzu: MS Word 2010 mətn redaktoru.

Referat

Tələbə: Şərifli Yusif

Elmi rəhbər: Həsənova Pərvanə

Baku-2022

Plan

Giriş

1. 
   Ms WORD 2010 mətn redaktoru.
   
2. 
   Ms WORD 2010 Redaktorunun əsas üstünlükləri
   
3. 
   MS Word 2010 istifadəçi interfeysi.
   
4. 
   Mətinlər üzərində iş. Mürəkkəb sənədlər.
   

Nəticə

Ədəbiyyat siyahısı

Giriş

Microsoft Word – mətn redaktoru olub istənilən mürəkkəb sənəd yaratmaq üçün nəzərdə tutulmuşdur. Hazırda dünyada ən populyar proqram hesab olunur. - İlk kompüterlər yarandığı vaxtdan başlayaraq onların proqram təminatları içərisində müxtəlif sənədlərin yığılmasını, tərtibatını, nizamlanmasını və çap edilməsini yerinə yetirə biləcək müxtəlif mətn redaktorlarının yaradılması qarşıda duran əsas məsələlərdən biri olmuşdur.

Bu cür proqramlar tərtib edən proqramlaşdırıcılar əsasən sənədlərin kompüterdə yığılmasını, redaktə edilməsini və çap olunmasını təmin etmək üçün yüksək servisə malik proqram paketləri-redaktorlar yaratmağa çalışırlar. Bu problemləri həll etmək üçün müxtəlif proqramçılar qrupu tərəfindən bir çox redaktorlar yaratmışdır. Bu cür redaktorlara misal olaraq: LEKSİKON, FOTON, NE, MS WORD, LOTUS (MS-DOS sistemi üçün), WRITE, LOTUS, WORD və s. (WINDOWS sistemi üçün) göstərmək olar.

Mövcud redaktorlar içərisində MICROSOFT WORD mətn prosessoru müxtəlif mürəkkəblik dərəcəsinə malik sənədlərin yığılması, redaktə edilməsi, tərtibatı və çap edilməsi üçün istifadə edilən və həm klaviatura, həm də MOUSE vasitəsilə asanlıqla idarə edilən ən geniş yayılmış redaktorlardan biridir. WORD mətn prosessoru istifadəçiyə hər hansı bir sənədi yığarkən eyni zamanda müxtəlif şiriftlərdən istifadə etməyə imkan verir. - Bu prosessor həmçinin güclü qrafik redaktə imkanlarına da malikdir. WORD prosessoru digər mətn və qrafiki redaktorları ilə qarşılıqlı işləmə imkanlarına da malikdir. Redaktorun MS- DOS və WINDOWS sistemləri üçün müxtəlif versiyaları mövcuddur.

Word redaktoru sənədlərin hazırlanması, o cümlədən mətnlərin yığılması, cədvəllərin, şəkillərin, qrafiklərin yaradılması, tərtib və çap olunması üçün nəzərdə tutulmuşdur. Word redaktoru vasitəsilə müxtəlif sənədlər, məktublar, məqalələr, böyük həcmli kitablar və s. hazırlamaq mümkündür. Word redaktoru sənədə müxtəlif qrafik təsvirlərin – rəsm, şəkil, fotoşəkil, fiqurların yerləşdirilməsi və formatlaşdırılması (ölçüsünün və rənginin dəyişdirilməsi, parlaqlığının və rəng çalarlarının dəyişdirilməsi və s.) əməliyyatlarını yerinə yetirməyə, ən mürəkkəb riyazi düsturları mətnə daxil etməyə imkan verir. Bundan əlavə, Word redaktorunda səhifələrin avtomatik nömrələnməsi, mətnin və səhifənin kənarında məsafələrin qoyulması, stillərin, şablon formalarının işlənib hazırlanması və lazım gəldikdə onlardan istifadə edilməsi, eyni zamanda bir neçə sənədin emal olunması, mətnə xüsusi simvolların daxil edilməsi, orfoqrafik, qrammatik, sintaksis yoxlamaların həyata keçirilməsi və digər əməliyyatları yerinə yetirmək olar.