1- ma’ruza kirish. Ishlab chiqarish korxonalarida texnik kimyoviy nazoratni yo’lga qo’yish va uning vazifalari

FAO mutaxassislari fikriga ko‘ra, oziq-ovqat xavfsizligi ko‘rsatkichlari quyidagilardir:

• 
  barqarorlik;
  
• 
  oziq-ovqat mavjudligi;
  
• 
  oziq-ovqatga ega bo‘la olish;
  
• 
  foydalanish;
  

Dunyodagi barcha mamlakatlarda iqtisodiy xavfsizlikning eng muhim tarkibiy qismi hisoblangan oziq-ovqat xavfsizligini ta’minlash borasida olib borilayotgan ishlarni har tomonlama tanqidiy tahlil qilish va yanada takomillashtirish yuzasidan nazariy va amaliy taklif hamda tavsiyalar ishlab chiqish va amaliyotga tatbiq qilish dolzarb vazifa hisoblanadi.

Aholini oziq-ovqat mahsulotlari bilan yetarli darajada ta’minlash mamlakat oziq-ovqat xavfsizligining bir qismi hisoblanadi. Aholini asosiy oziq-ovqat turlariga bo‘lgan ehtiyojlarini qondirish, oziq-ovqat narxi va sifati uyg‘unligini ta’minlash va oziq-ovqat xavfsizligi davlat tomonidan kafolatlanishi ijtimoiy-iqtisodiy rivojlanishning asosiy shartlaridan biridir (1-jadval).